УТСЫЗ ТОРЫП БУЛАМЫ?





Узган шимбәдә бөтен дөнья буйлап «Җир сәгате» акциясе узды. Планетабызның киләчәгенә битараф булмаган кешеләр 20.30-21.30 минут аралыгында бер сәгатькә уттан баш тартты.


Бу акция, әлбәттә, елына бер тапкыр гына була. Ләкин шәһәрләрдәге күпкатлы йортларда, авылларда ут бетү кебек гадәттән тыш хәл елга әллә ничә тапкыр булырга мөмкин. Бүген без утсыз, электр жайланмаларсыз тормышыбызны күз алдына да китерә алмыйбыз. Шуңа күрә утсыз калганда, караңгыда нәрсәләр эшләп була соң?


1. Шәм кабызып кичке аш уздыру


Исегезгә төшерегез әле: сез кайчан якыннарыгыз белән соңгы тапкыр шәм яктысында аралаштыгыз? Шәм уты тыныч, дәвамлы әңгәмәгә өнди. Ә лампочканың якты уты, киресенчә, уңай һәм тискәре эмоцияләрне көчәйтә генә. Күпмедер вакытка утсыз калу – романтик яки дусларча кичке аш уздыру, рәхәтләнеп сөйләшер өчен менә дигән мөмкинлек.


2. Куркыныч вакыйгалар киче


Шәм яктысында уздырылган кич җан өшеткеч вакыйгаларны сөйләү өчен дә туры килә. Моның өчен куркыныч фильм, китап сценарийларын, әбиләрнең куркыныч хикәятләрен истә калдыру да җитә.


3. Күләгәләр театры


Бу олыларга да, балаларга да туры килә. Спектакльнең нигезе итеп яраткан әкиятне алырга мөмкин. Иң мөһиме – фантазияңне чикләмәү.


Экранны ишеккә элеп куелган ак жәймәдән ясарга мөмкин. Персонажларны алдан әзерләп куегыз. Алар уенчыклар, картоннан ясарга мөмкин.



4. Караңгыда нинди уеннар уйнап була?


Шәм астында бик күп уеннар уйнарга мөмкин.


​ Крокодил.


​ Кем син? Персонажны бел.


​ Мафия.


​ Аркада рәсем ясау


​ Дөреслек яки гамәл.


​ Күз бәйләш.


​ Бу ничек булды?


​ Мин походка алам.


Соңгы ике уен сирәк очрый торганнар. Шуңа алар турында тулырак мәгълүмат бирәбез.


Күз бәйләш уены өчен ручка белән кәгазь кирәк булачак. Һәр кеше үз тормышында булган, әмма башкалар белмәгән фактны яза. Барлык уенчылар да язып бетергәч, кәгазьләрне бутыйлар. Чиратлашып кәгазьләрне тартып чыгаралар. Шушы фактларга таянып һәр кеше үз вакыйгасын булдыра. Аннары бар кеше дә дөреслектә нәрсә булганын сөйли.



​  Мин походка алам.


Алып баручы үзенең походка барганын, команда жыйганлыгын сөйли. Командага эләгер өчен, катнашучылар «Мин походка барам һәм … (предмет исеме) алам», ди.


Моңа кадәр алып баручы кешеләрне сайлап алу өчен бер принцип уйлап таба. Мисал өчен, предметның икенче хәрефе «О» булырга тиеш. Уен катнашучыларның нинди принцип икәнлеген белгәнчегә кадәр дәвам итә.



5. Урамга чыгып, саф һава сулау, физик күнегүләр эшләү


Утсыз калсаң, өле бу мәҗбүри рәвештә өйдә утыру дигән сүз түгел. Әгәр урамда яхшы һава торышы икән, урамга чыгып керегез. Аулак урын табып йолдызларны күзәтсәгез дә була.




***
«Җир сәгате» – Бөтендөнья кыргый табигать фонды тарафыннан 2007 елда башланып киткән халыкара экологик акция. Аның дәвамында бөтен дөнья кешеләрен 1 сәгатькә бөтен ут һәм электр жайланмаларын сүндереп торырга чакыралар. Бу адым безнең планетабызның киләчәгенә битараф булмачуны күрсәтә.






Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2518
    0
    15
  • 22 август 2020 - 09:00
    НУРЛАНЫШ БҮЛМӘСЕНДӘ ...Май кояшы җылы нурларын өләшә. Палатаның кечкенә тәрәзәсеннән төшкән саран нурлар Регинаның күзләренә төшеп күзләрен камаштыра, күзләре үзләреннән-үзләре яшьләнеп йомылалар. Яшьләнгән күзләрендәге җан сагышын башкаларга күрсәтмәскә тырышып, стенага борылып ятып, одеялын башыннан үк бөркәнеп куя да уйлар диңгезенә чума яшь ана.
    1993
    0
    8
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    657
    0
    1

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019