"ТИМЕР АТ"ЫҢ СӘЛАМӘТМЕ?

Җәйгә күп калмады. Тиздән урамнар буйлап тыз-быз йөрүче велосипедчылар саны бермә-бер артыр. Шул уңайдан мин сезне утыргычны көйләргә, тишелгән тәгәрмәчне ямарга һәм, гомумән, велосипедны дөрес карарга өйрәтермен.

Шәһәр урамнарында чүп коточкыч (пыяла-кадак та җитәрлек) күп! Шуңа күрә көтмәгәндә тәгәрмәчне дә тишәргә мөмкин. Аны ремонтлау өчен махсус «җыелма» (монтажка, тире (шкурка), җилем һәм ямаулык) кирәк була. Махсус кибетләрдә ул 120 сум тирәсе тора. Шулай ук насос та кул астыгызда булсын.


Тәгәрмәчегез тишелсә, түбәндәгеләрне үтәгез.


1. Велосипедны әйләндереп куясыз.


2. Эксцентрикны борып чыгарасыз.


3. Күчәрне (ось) чыгарасыз.


4. Тәгәрмәчне төшерәсез.


5. Тәгәрмәчне бортыннан чыгарасыз. Аның өчен «җыелма»дагы монтажканың кирәге чыга. Бер монтажканы обод белән покрышка арасына кыстырасыз. Рычаг белән эшләгән сыман, монтажкалар ярдәмендә шинны борттан чыгарасыз.


6. Камераны чыгарасыз.


7. Җәрәхәтләнгән урынны табып, чүпрәк белән сөртәсез.


8. Шул тирәне тире (шкурка) белән ышкыйсыз. Тагын бер тапкыр чүпрәк белән сөртәсез.


9. Җилемне юка катлам итеп тигезлисез. 2 минут көтәсез дә тагын бер катлам җәясез. «Җыелма»дан кирәкле зурлыктагы ямаулыкны сайлыйсыз. Ямаулыкның элпәсен (пленка) алып, җәрәхәтләнгән урынга саласыз.


10. Ямаулыкны ике яктан да берничә минут монтажкалар белән кысасыз.


11. Камераны кире тәгәрмәчкә урнаштырасыз. Ләкин аңа кадәр покрышканы игътибар белән карап чыгасыз. Бәлки очлы әйбер калгандыр?!


12. Тәгәрмәчне кире борт эченә кертәсез. Камерага һава тутырасыз.


13. Тәгәрмәчне кире рам эченә кертәсез. Күчәрне кертәсез һәм эксцентрикны кысасыз.


Ә хәзер утыргычның биеклеген көйләргә өйрәнәбез.


1. Эксцентрикны бушатасыз.


2. Кирәкле биеклекне сайлыйсыз. Йөргәндә рәхәт булсын өчен утыргычны шундый биеклеккә урнаштырыгыз: аяк тулысынча диярлек тураеп торсын, әмма тез бераз бөгелгән булсын. Кайбер велосипедчылар утыргычны түбән куя, шуңа да тиз талчыгалар, җитмәсә, тезләре сызлый.


3. Эксцентрикны кысасыз.


Чисталык – сәламәтлекнең бик шәп дусты. Тау велосипеды да бу очракта искәрмә түгел. Утыргычны чыгарып, торба эчен калдык-постык һәм юшкыннан арындырыгыз. Шул ук эш рульгә дә кагыла. Югыйсә, икенче юлы утыргычның яисә рульнең биеклеген җиңел генә көйлим димә!


Юлларда сак һәм игътибарлы булыгыз!







ТӘҖРИБӘДӘН ЧЫГЫП


КИҢӘШЛӘР





  1. Үзегез белән велосипед йозагы йөртегез. Бик файдалы әйбер ул! Кибеткә керәсе булса яисә велосипедны ишегалдында калдырырга уйласагыз...




  2. Велосипедта йөрү сезоны апрель аенда башланып, октябрьдә тәмамлана. Шул рәвешле елына 3 тапкыр «генераль җыештыру» үткәрү зарур. Беренчесе – велосипедны «кышкы йокы»сыннан соң беренче тапкыр чыгаргач, икенчесе – июнь-июль айларында, өченчесе – сентябрь уртасында.


    [gallery link="file" columns="4" size="medium" ids="786,788,790,792,794,796,798,800,802,804,806,808,810,812,814"]

     



Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2556
    0
    16
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    709
    0
    1
  • 13 сентябрь 2020 - 13:56
    КАЛАЙЧЫ КӘЛҮК Җиңел сөякле бабай, аягына эрҗинкә галушларын киеп алды да болдыр баскычыннан җәһәт кенә ишегалды чирәменә төште. Тагын бер кинәнеп арлы-бирле йөренгәләде. Алгысый иде аның күңеле, очына иде. Менә нидер эшлисе генә килеп тора бит. Ниндидер бер гайре табигый эш. Әмма дә ләкин файдалы эш булсын иде ул. Тиктомалдан чуарланып йөрергә яшь-җилкенчәк түгел лә ул! Хәкимәсе: «Вәт маладис, картым! Вәт булдыргансың, атасы!» – дип әйтерлек булсын. Мактаганны ярата ул. 
    623
    0
    5

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019