ТЕСТ: СИН ЛИДЕРМЫ?

ЛИДЕР КЕМ УЛ? БОЕРЫКЛАР БИРЕП ТОРУЧЫМЫ? ЮК! ЯХШЫ ЛИДЕР, КАЛГАННАРНЫ ЭШКӘ ӨНДӘҮЧЕ. СИНДӘ ЛИДЕРЛЫК СЫЙФАТЛАРЫ БАРМЫ? ТЕСТНЫ ҮТЕП, ТИКШЕРЕП КАРА. СОРАУЛАРГА ИХЛАС ҖАВАП БИРҮ ШАРТ.син лидермы

1. Син дусларың белән ниндидер катлаулы мәсьәләне хәл итү юлларын эзлисең. Әгәр кемдер синекенә караганда күпкә яхшырак идея тәкъдим итсә, син...


а) борчыласың;


ә) дулкынланасың;


б) кызыксынасың.


 

2. Дәрестә сез төркемнәргә бүленеп проект эшлисез. Башкаларныкы белән чагыштырганда синең идеяләр ...


а) яхшырак;


ә) начаррак;


б) начар түгел, ләкин яхшырак та түгел.



3. Син башкаларга мөһим фикер җиткерергә теләгәндә...


а) сине тыңламыйлар;


ә) сине тыңлыйлар, ләкин алар бу фикерне аңларга сәләтле түгел;


б) тыңлыйлар һәм аңлыйлар.



4. Син бу эшне башкаруга күп вакыт сарыф иттең. Ләкин сине әлегә кадәр берәү дә мактамады, гомумән, бернинди җавап булмады. Син нишләячәксең?


а) бу сине гаҗәпләндерә, эшне туктатып торасың;


ә) бу эшне ташлап, икенчесенә тотынасың;


б) бу эшне ахырына кадәр җиткерәсең, чөнки аны кирәкле дип саныйсың.



син лидермы 25. Сине проектта катнашырга чакыралар. Ләкин монда сиңа бары тик гади катнашучы, кушканны эшләүче роле генә бирелә. Моңа ничек карыйсың?


а) яхшы карыйсың, лидер ролендә син үзеңне барыбер уңайсыз хис итәсең;


ә) әгәр сине «начальник» итеп куймасалар, катнашмаячаксың;


б) кайвакыт гади катнашучы булып торуга да каршы түгел.


 

6. Теләгән эшең барып чыкмаганда нишлисең?


а) бу эшне ташлыйсың, килеп чыкмый икән, димәк, бу өлкә синеке түгел;


ә) бу эшне ташлыйсың, чөнки башкалар сине аңламый;


б) моннан үзең өчен нәтиҗәләр чыгарасың, алар сиңа киләчәктә ярдәм итәчәк.


 

7. Сине класс белән башкарыла торган эшкә җаваплы итеп билгеләделәр. Син ...


а) эшнең күп өлешен калганнарга тапшырачаксың;


ә) дөрес булсын өчен, барысын да үзең эшлисең;


б) кызыксыну һәм мөмкинлекләренә карап, һәркемгә эш бүлеп чыгачаксың.



8. Карашлары һәм әзерлек дәрәҗәсе синекеннән аерылып торган кеше белән син үзеңне ничек хис итәсең?


а) уңайсыз; 


ә) үзеңне өстен  хис итәсең яки, киресенчә, ул кешенең өстенлеге сиңа тынгы бирми;


б) башка төрле карашлар синдә кызыксыну һәм хөрмәт уята;



9. Объектив тәнкыйть синдә...


а) канәгатьсезлек хисе;


ә) ачу;


б) тәнкыйтьләнүче якларны төзәтү теләге уята.



син лидермы 110. Юлыңда киртәләр очрап тора, син теләгәнчә килеп чыкмый. Син...


а) моңа кадәр ясаган хаталарыңны исеңә төшерәсең, әгәр болай эшләмәгән булсам, дип уфтанасың;


ә) башкаларны гаеплисең;


б) алга таба бару юлларын эзлисең.


 

ҖАВАПЛАР:


«а», «ә» һәм «б» җавапларын сана:
7 яки күбрәк «а» җыйгансың икән, димәк, сиңа яхшы лидер булу өчен башта үз-үзеңдә ышаныч тәрбияләргә кирәк.

7 яки күбрәк «ә» җыйгансың икән, димәк, сиңа яхшы лидер булу өчен, башкаларга ышанырга өйрәнергә кирәк.

7 яки күбрәк «б» җыйгансың икән, димәк, син үзеңә һәм башкаларга реаль күзлектән карыйсың, дөрес бәя бирә беләсең. Үзеңә һәм башкаларга мөнәсәбәтең яхшы лидер булырга ярдәм итәчәк.

Әгәр нәтиҗәләр син көткәнчә түгел икән, моның ни өчен шулай булуын аңларга тырышып кара. Сиңа нәрсә җитми? Кайчан да булса лидер ролен үз җилкәңдә татып карарга туры киләчәк, шуңа күрә үз өстеңдә эшләү бик мөһим.


 

Тагын укырга:


ТАТАР БАЛАЛАР ЛИДЕРЫ МӘКТӘБЕ


ДЕПУТАТ БУЛУ ҖИҢЕЛМЕ?

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 июль 2020 - 14:54
    КОЕ Кечерәк вакытында ерак әбисе аңа кое турында бер кызганыч хәл турында сөйләгән иде. Әбисе алардан җиде чакрым ераклыктагы авылда яши. Ерак әби исеме дә шуннан алынган. Имеш, кечкенә ятимә кызны үги әнисе кояш баегач коега суга җибәрә. Кайтмыйча озак тора кыз. Үги әни үз кызын кочаклап йоклап китә. Иртән таң суы алырга коега килгән апайлар су өстендә нәни баланың үле гәүдәсенә тап булалар. Шуннан соң бу коедан беркем дә су алмый. Үткән-киткән аннан әлләнинди ят авазлар килгәнен дә ишеткәләгән.
    1759
    0
    13
  • 15 июль 2020 - 17:52
    ГАДИЛЕКНЕҢ ГАЕБЕ БАРМЫ? Айдар Лилияне танымады. Әмма аның сылулыгымы, серле матурлыгымы ирне үзенә әсир итте. Карашында да аңлатып бетергесез нур, яктылык бар төсле. Шул ук вакытта башкалардан әллә ни аерылмый да кебек. Бары тик якын туганың, кадерле кешең кебек кенә нигәдер. Могҗиза диярсең.
    1378
    0
    8
  • 6 август 2020 - 09:16
    ҖИР АСТЫНДАГЫ ЯЗМЫШЛАР — Әнкәй юк инде... Күптән юк. Мин бит детдом баласы. Әткәйне соң гына эзләп таптым. Эзләмәс тә, тапмас та идем. Әнкәй өчен үч аласым килде. Ул бит әнкәйне тереләй кабергә керткән, аңа көн күрсәтмәгән... Кыйналып, изелеп яшәгән-яшәгән дә, бердәнбер көнне газизен, биш яшьлек малаен калдырып, бакый дөньяга күчеп киткән. Мин эзләп тапканда әткәй бик бетеренгән иде. Үлем чигенә җиткән иде. Ә минем, укуны бетереп, аякка ныклап баскан чагым. Акыл керә башлаган чак... Ә бит мин, детдомда чакта, аны табып дөмектерергә антлар эчкән идем. Бармагымны кисеп агызган җылы канымны кабып сүз бирдем. Хәнҗәр әзерләдем.
    1048
    0
    5

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019