«ТАВЫК ТӨШЕНӘ ‒ ТАРЫ... »

Йоклаганда тавыклар да төш күрә, диләр. Ә менә егетләр... Төш күрергә дә, күргән төшләрен сөйләргә дә яратмый бугай.  Әллә аларда бөтенләй төш күрү сәләте юк инде?!

Соңгы ике атнам кешеләргә төш күрергә заказ биреп узды. Халыкта төш күрү йолалары бар. Кичтән дөрес сүзләр әйтеп, тиешле дулкынга «кереп», мендәр астына дөрес предметларны куеп ятасың да... Инде йөз еллар элек язып калдырылган төш күрү йолалары цивилизация пәрәвезендә йолкынган XXI гасыр кешесенә ничек тәэсир итә икән? Шуны тикшереп карыйсы иттек без.

Кызлар (бигрәк тә студентлар!) бик теләп ризалашты. Ә менә егет затлары... (Сүз башында егетләргә бәйләнүем дә шуннан инде, заказга төш күрәсе дигәч, аптырап калды алар. Иң батыры – үзебезнең Алмаз булып чыкты.)

Ә хәзер, әйдәгез, төнгә үтеп керәбез дә, юрган читен сак кына күтәреп, егет-кызларның төшләрен күзлибез. Бу йолаларны кем ничек үтәде икән?!

  1. Йоклар алдыннан кулыңа түгәрәк кечкенә көзге алырга һәм аңа карап, әлеге сүзләрне кабатларга кирәк булачак: «Яктылык һәм караңгылык бу көзгедә ничек чагылса, минем киләчәгем дә шулай чагылсын». Аннан, көзгене мендәр астына салып, йокларга ятарга. Төшеңә киләчәкне күрсәтергә сәләтле нәкъ шушы көзге керер. Иртән уянгач, көзгене яшереп куй һәм юраганың чынга ашканчы беркемгә дә күрсәтмә!


Чулпан Ибәтуллина: Нәкъ сез әйткәнчә, бөтен йолаларны үтәп йокларга яттым. Бик нык дулкынландырды. Төшемә ниләр керер икән дигән уй һич күңелдән чыкмады. Төштә нидер күрдем бит! Иртән уянгач, төшемә кергән вакыйганы исемә төшерә башладым. Юк, барысы да онытылган! Бары тик бу төш өнемдәге тормышымның ниндидер бер чагылышы иде дигән хис кенә эленеп калган...

  1. 2. Төштә җавап табасы килгән сорауны кәгазьгә язып, кәгазьне мендәр астына салып, бары тик сорау турында гына уйлап йокыга китәсең.


Алмаз Мансуров: Йокларга җыенам... Кулымда ак кәгазь бите. Күңелдә шундый ук ак хыяллар. «Парашюттан сикергәндәге хисләрне кичерәсем килә». Мин шул бит кисәген мендәр астына салып, йокларга ятам.

...Иртә белән уянуга, әбинең сүзләре искә төшә. Шайтан язулары белән шаярма, дигән иде ул миңа. Мин төне буе җеннәр белән саташып чыктым. Менә хикмәт...

Бер нәтиҗәгә килдем: ырымнарга ышанырга ярамый икән. Аның урынына баш очыңда Коръән сүрәләре булып, Аллаһтан ихлас сорасаң, кирәк төшне болай да күрерсең.

  1. Болай итеп төш күрү элеккеге гримуарларда (борынгы магия китаплары – Р.Х) ук язып калдырылган. Балавыздан ясалган яңа шәм һәм кара тукыма кирәк. Кара тукымадан квадрат кисеп алабыз (30 см диагональле) Квадратка шәм белән катлы-катлы ике әйләнә сызабыз. Үзәктәге әйләнәгә исемең, ә тышкы әйләнәгә махсус фраза языла. Боларны үтәгәч, күрергә теләгән төшкә «заказ» бирәсең. Кара квадратны ятак астына куеп йокларга һәм иртәнгә кадәр беркем белән дә сөйләшмәскә, ятагыңнан торып йөрмәскә кирәк. Юкса барысын да яңадан кабатларга туры киләчәк.


Айгөл Закирова  (Төш күрергә бик озак «әзерләнде». Чөнки аның йола гадәтләре катлаулырак иде): Йолаларнын күбесе җен чакыруга бәйле диләр, ягъни, аларны эшләгәндә, бүлмәдә җеннәр була, алар сиңа киләчәкне күрергә булыша, диләр. Җеннәр кеше белән уйнарга ярата ди, шуңа ялгыз йокларга ярамый. Бу йоланы үтәгәндә дә, алай-болай була калса дип, бүлмәдәш кыз өйдә булган вакытны сайладым. Барысын да төгәл эшләдем. Йокым бик тыныч узды. Ләкин төш күрмәдем. Димәк, кайдадыр хата җибәргәнмен. Язуым ачык булмаган иде, бәлки шуңадыр?!

...Җитмәсә, шәмем дә балавыздан тугел, парафиннан коелган иде. Бәлки, шул да йогынты ясагандыр...

  1. Ваклап туралган кырык кисәк ипи ашап, йокларга ятарга. Ипи кисәгенең берсен тозга манып ашарга кирәк. Төшеңдә кем сиңа килеп су эчерә, шул синең ярың булыр.


Гүзәл Мотыйгуллина: Тьфү-тьфү, төшем чынга ашмаса ярар иде! Ике ай элек ташлашкан, инде хәзер бөтенләй башка шәһәрдә яшәп ятучы егет керде. Уянуга, төшләр чынга ашмасын өчен нәрсә эшләргә кирәклеге турында әдәбият эзләргә туры килде. Һәм, гомумән, нигә киләчәкне алдан күрергә кирәк ди әле?! Борынгылар сорауларына җавапны каян табарга белмәгәннәр, шуңа төштә сораганнар, ә бездә Интернет бар ич!

[gallery size="large" ids="2403,2402"]

Нравится
Комментарии (0)
Осталось символов:
Шәп укыла
  • 21 сентябрь 2019 - 20:55
    НИГЕЗ ЙОРТ Сания карчыкның бәгыренә төшкән сагыш иксез-чиксез иде. Бу сагышны бер генә үлчәмгә салып та, бер генә бизмәнгә куеп та булмыйдыр. Ул аны гүя утырган эскәмиясенә мәңгелеккә беркетеп куйган да үзе башка җаннар эзләп китеп барган. Шуңа күрәдерме, Саниянең күңеленә авыр булса да, аның җаны тыныч иде...
    2364
    1
    48
  • 22 сентябрь 2019 - 14:14
    ВӘСИЛӘ Күпләр өчен мәктәпнең ямен алып китте Вәсилә апалары. Шул китүеннән башка килә алмады Вәсилә яраткан мәктәбенә. Авыр чир утыз ике яшьлек чибәр хатынны, аяктан яздырып, урынга беркетте. Көннән көнгә сүнә барды Вәсилә, корый барды. Хастаханәдә дә аңардан тиз баш тарттылар. Үзенә берни әйтмәсәләр дә, табиблар Вәсиләнең ире Ниязны ачыктан-ачык кисәттеләр: “Без ярдәм итәрлек түгел...” Бианасы Кәримә карчык киленен им-томлап та карады. Тик Вәсиләне аягыннан еккан авыр чир китәргә килмәгән иде шул. Айлар буе ятты да ятты урында Вәсилә. Берни аңламаган биш яшьлек кызы Ләйлә белән аңардан да кечерәк улы Фәрит кенә: “Әни, тор инде. Кайчан мәктәпкә барасың?”, - дип җанын кыйдылар.
    1805
    1
    23
  • 26 сентябрь 2019 - 15:08
    ПЕРӘ Вәсил бүген дә иртә таңнан, әнисе урыныннан кузгалып кыштыр-мыштыр йөри башлауга ук, йокысыннан торып утырды. Әнә ул инде кичтән үк әзерләп куелган утыннарны мичкә тутырып, ут үрләтеп җибәргән, сыерны савып кереп, сөтен дә сөзеп куйган. Менә хәзер самавырга чиләктән су салыр, торбасына яңа өлгергән кузлы күмерләрне өстәп җибәрер. Мичтә дөрләгән ялкынга, самавыр торбасы «тәрәзәчек»ләреннән күз кыскан кузларга карап утырырга ярата ул. Улының иртәләрен әнә шулай онытылып, утларны күзәтеп утыруын әнисе сизми диярлек. Сизеп тә игътибар итмиме? Комачауламагач, ярый, утырсын инде, ихтыяры, дияме?
    1704
    0
    12
  • 10 октябрь 2019 - 16:48
    ТУКТАЛЫШ “Тизрәк! Тизрәк!..” Кыска гына мизгелгә аңына килгән Айдар үз янында кайнашкан ак халатлы кешеләрнең кем икәнлеген дә, кая ашыкканнарын да аңламыйча, бөтен тәненә таралган кискен авыртудан тагын аңын җуйды... Тукталышта юл аша чыгарга басып торганда килеп бәрелгән машинаны ул хәтерләмәде. Изелгән аякларын бот төбеннән кисәчәкләрен белми иде әле утыз тугыз яшьлек авыл укытучысы...
    1528
    2
    22
  • 17 сентябрь 2019 - 10:59
    УКЫТУЧЫЛАР КӨНЕНӘ ШИГЫРЬЛӘР Шытым салып нәни йөрәгемә, Белем дөньясына озатучы. Һәр уңышым саен сөенүче Бары Сез ул, минем Укытучым!
    1441
    0
    0

  • 23 сентябрь 2019 - 15:32
    ЖВАЧКА: "БҮГЕН МИНЕМ ТУГАН КӨН!" Бүген без көненә берәр пачка чәйни торган ЖВАЧКАның туган көне. Аңа ничә яшь дип уйлыйсыз? Ничек уйлап тапканнар? Хәзер беләбез!
    129
    0
    0
  • 27 август 2019 - 11:02
    РОССИЯДӘ ШӘП ФИЛЬМ ТӨШЕРӘ БЕЛӘЛӘР! 27нче август – Россия кинематографиясе көне. Россиядә, Совет чорында төшерелгән фильмнарга карата шикләнеп караучылар шактый, әмма син андыйлардан булсаң, бу язманы ябып куярга ашыкма, чөнки Россия кинематографиясе “Ёлки”, “Притяжение”, “Бабушка лёгкого поведения” ише чүп-чардан гына тормый. Һәм без сиңа блогер Badcomedian фикеренчә иң яхшы 5 рус телле фильм тәкъдим итәбез!
    199
    0
    2
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019