"ТАТАР ШАМАИЛЕ ГАЛЕРЕЯСЫНДА ЯҢА КҮРГӘЗМӘ АЧЫЛА"

2015нче елның 21нче октябрендә "Казан Кремле" музей-тыюлыгының Татар шамаиле галереясында «Синтез искусств: декор современных татарских мечетей» дип исемләнгән күргәзмә үз эшен башлап җибәрәчәк.

Күргәзмәне күрергә теләүчеләр 15.00дан башлап музейга килә ала. Экспозиция хәзерге татар  мәчетләренең бизәлешенә багышлана. Төп игътибар рәссам-каллиграфист Ришат Сәләхетдинов һәм архитектор Айвар Саттаровның, Дмитрий һәм Лилия Мусина, Рөстәм Забиров һәм Альбина Даишева эшчәнлегенә бирелә. Әлеге шәхесләр үзләрен үзенчәлекле, яңа стиль ияләре, үз эшләренең чын осталары итеп таныттылар. Заманында алар барысы да Кол Шәриф мәчетенең тышкы кыяфәтенә сизелерлек үзгәрешләр керткәннәр иде.