"ТАТАР ПРОЕКТЛАРЫ ЯРМИНКӘСЕ"НДӘ УКУЧЫЛАР 20 ПРОЕКТ ТӘКЪДИМ ИТТЕ

Казанның 2 лицей-интернатында "Татар проектлары ярминкәсе" узды. Татар теленең кулланылыш даирәсен киңәйтү максатыннан булдырылган проектларны тәкъдим итү уку йортында өченче ел рәттән оештырыла.

Быел барлыгы 20 проект тәкъдим ителде. Проектлар арасында өстәл уеннары, төрле мобиль кушымталар, сайтлар, видеороликлар, татарча аудиокитаплар, чит ил мультфильмнарының татарчага тәрҗемәләре дә бар.



“Укучылар бу эшчәнлектә актив катнаша. Әлеге чара өчен проектларны сайлап алу дигән әйбер юк. Бүгенге проектлар арасында берничә ел элек башланып киткәннәре дә бар, без аларны алга таба да дәвам итәбез”, ди лицейның татар теле һәм әдәбияты укытучысы Рашат Якупов. Ул бу ярминкә проектының форматы чит илләрдәге тәҗрибәне өйрәнеп башкарылганын әйтте.

Ярминкәдә укучылар уку елының яртысы дәвамында башкарылган эшләренең нәтиҗәләрен тәкъдим иттеләр.

Ярминкә лицей күләмендә үткәрелде. Укучыларның проектлары белән Татарстан мәгариф һәм фән министры урынбасары Илдар Мөхәммәтов, Казан илкүләм-тикшеренү техник университеты (КАИ) каршындагы Инженер лицее һәм Иннополис шәһәрендәге мәктәп укытучылары да танышты.

 

Татар-информ

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 15 апрель 2021 - 15:45
    ЧӘЙГӘ ТОРТ ПЕШЕРӘБЕЗ Чәй эчәргә әйбер бетеп киттеме? Әйдә үзебез пешерәбез!
    687
    0
    0
  • 10 апрель 2021 - 10:33
    ШАМПИНЬОНЛЫ КАРАБОДАЙ. РЕЦЕПТ Дөрес тукланучылар өчен бик тәмле һәм җиңел рецепт. 20 минут эчендә әзер дә була.
    542
    0
    0
  • 1 май 2021 - 14:19
    «БЕЗНЕҢ ӨЙДӘ ГЕЛ ЭШЛӘП ТОРЫРГА КИРӘК...» «Безнең өйдә шундый кагыйдә бар: син гел нәрсә дә булса эшләп торырга тиеш. Идән ю, өстәл җыештыр, гөлләргә су сип, кер төр, тик утырма гына... Берәр фильм карый яки китап укый башласам: «Эшең беттемени?» – дип килеп җитәләр. Минем ял итәсем, вакытны үзем теләгәнчә уздырасым килә. Әниләргә шуны аңлата алмыйм...»
    340
    0
    0

Блоглар