СИНХРОНИЯ: УЙЛАП КЫНА БЕТЕРДЕМ - ТОРМЫШКА ДА АШТЫ

Тормышыңда кеше ышанмаслык сәер хәлләр булганы бармы? Берничек тә була алмый торган вакыйганың булганы? Каршыгызга әле генә уйлап бетергән кешенең килеп чыгуын ничек аңлатырсың?

Мисал өчен, син урам буйлап барасың ди, һәм исеңә 1 нче сыйныфта сезнең белән укыган, аннан башка мәктәпкә күчеп киткән сыйныфташ кызың искә төште, син күзләреңне күтәрәсең һәм... синең каршыңда ул! Күпмедер үзгәргән, үскән, әмма танып була. Бүтән мисал: телефонны алып кемгәдер шалтыратмакчы буласың, ә телефон инде үзе үк шалтрый һәм экраннарда сез җыйган номер хуҗасының исеме чыга. Эчке уйлануларның тышкы вакыйга белән туры килүе күренешен Карл Густав Юнг синхрония дип атаган.

Карл Густав Юнг үзенең озын тормыш юлында мондый вакыйгалар белән бик еш очрашкан һәм ул, болар барысы да тикмәгә генә түгел, монда нинидидер мәгънә бар, дигән нәтиҗәгә килеп, синхрония төшенчәсен өйрәнүгә алынган.



 

Булган хәлләр:

1. Шотландиядәге бер авыл халкы җирле кинотеатрда бер фильм карап утыра икән: геройлар һава шарына утырган моментта каты тавыш чыга. Соңыннан ачыкланганча, кинотеатрның түбәсенә һава шары төшкән булып чыга. Нәкъ кинодагы кебеге!

2. Икенче очрак Болгариядә София шәһәрендә була. Милко Стоянов атлы карак чираттагы квартираны "чистартып" , урлаган әйберләрен рюкзагына сала да, су агып төшә торган торбадан төшәргә уйлый. Икенче кат турыларына җиткәч, полиция машиналары тавышын ишетеп, ул куркудан торба стенасыннан кулларын ала һәм яшен тизлеге белән аска ыргыла. Нәкъ шул чакта торба яныннан узып барган бер егетнең өстенә килеп тә төшә. Полиция хезмәткәрләре кайсысының карак икәнлеген аңлый алмыйча, икесен дә алып китә. Нәтиҗәдә, гаепсез дип табыласы егет полиция тарафыннан озак вакыт эзләнгән карак булып чыга. Монысы әле ярый, сез бит әле аның исемен ишетмәдегез - Милко Стоянов, беренче каракныкы кебек үк.

3. Бер ир-атка Тайваньда эш тәкъдим итәләр. Кичке аш вакытында бу хакта хатынына җиткергәч, хатыны аңа: "Мин бит бу шәһәр турында берни дә белмим, белешергә, уйлашырга кирәк", - дип җавап кайтара. Әйтеп кенә бетерүе була, телевизордан Тайвань турында тапшыру башлана. Алар бу вакыйганың бер дә юктан гына булмавына инанып, күченеп китәргә тәвәкәлли һәм беркайчан да үкенми.

Синхрония кешеләрнең ялгыз булмауларына, дөньядагы бар нәрсә дә бер-берсенә бәйле һәм бер вакыйганың ахыры икенчесенең башы булуына дәлил булып тора.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2455
    0
    15
  • 20 август 2020 - 16:57
    ЯЗМЫШЛАРНЫ САЙЛАП АЛМЫЙЛАР Энҗе, әнисе күрмиме икән, дип, курка-өркә өйләре ягына карап торды да, тиз генә мунчага кереп китте. Пычранган күлмәген мунча алдында салды да, эчкә кереп, салкынча суда нәни куллары белән ышкып-ышкып юарга тотынды. Эскәмиядә яткан хуш исле кул сабынын тидерде. Итәк очындагы таплар бетмәгәч, кырыйда торган кер тактасына салып тырышып-тырышып ышкырга кереште. Урам аша гына яшәгән күрше әби оялтты аны бүген.
    2294
    0
    12
  • 22 август 2020 - 09:00
    НУРЛАНЫШ БҮЛМӘСЕНДӘ ...Май кояшы җылы нурларын өләшә. Палатаның кечкенә тәрәзәсеннән төшкән саран нурлар Регинаның күзләренә төшеп күзләрен камаштыра, күзләре үзләреннән-үзләре яшьләнеп йомылалар. Яшьләнгән күзләрендәге җан сагышын башкаларга күрсәтмәскә тырышып, стенага борылып ятып, одеялын башыннан үк бөркәнеп куя да уйлар диңгезенә чума яшь ана.
    1946
    0
    8

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019