"ШУШМАБАШ СЕРЛӘРЕ"

Арча районына еш кунакка йөрибез. Менә 18 февраль дә Шушмабашка юл тоттык. Төп максатыбыз - Шушмабаш урта гомуми белем бирү мәктәбендә узган "Хәзерге заман мәктәбендә хәрби-патриотик тәрбия эшчәнлеге" семинары. Тышлыкны да шунда ук төшереп кайтырга булдык, бу як кызлары бик акыллы һәм матур була бит. Безнең объектка эләккән кызны март санында күрә аласыз! Әлегә кем икәнен дә, нишләгәнен дә әйтмик әле, сер булсын!

Җитезлек - безнең икенче исем. Шушмабаш мәктәбендә ике сыйныфка мастер-класс та уздырырга өлгердек. Укучылар үзләре журналист булды, бездән төрле кызыклы сораулар сорадылар! Кыскасы, яңа буын батыр журналистлар үсүен күреп, сөенеп кайттык.