САЛКЫН ТИМӘСЕН ДИСӘҢ, НӘРСӘ ЭШЛӘРГӘ ЯРЫЙ ҺӘМ ЯРАМЫЙ?

Менә син тирләп-пешеп уйнап керәсең, күзләреңнән ут бөркелә, авыздан пар чыга. Баш киеме – сумкада, чабулар ачык. Эссе ич... Туңу турында сүз дә булырга мөмкин түгел. Ә икенче көнне температура белән ятасың. Нигә? Ничек???

Сере бар икән аның. Баксаң, йөгереп-уйнап йөргәндә безнең тән температурасы күтәрелә. Организм өчен бу әйбәт түгел. Ул шуна ук суынуны таләп итә. Тирли башлыйсың, киемнәрне саласы килә, кар ашыйсы, суык су эчәсе... Кыскасы – бөтен ярамаган! Ә ярамый!


Чөнки температура күтәрелгән саен организмның саклау системасы начаррак эшли башлый. Суык исә җиңел үтеп керә. Боздай су эчеп, әйтик, сез ОРЗ өчен юл ачасыз. Тирләп-пешкәндә җилгә игътибар азая, тир исә, корыганда, тәннең җылысын ала, моны физика дәресеннән дә беләсездер, дип уйлыйм. Эчке һәм тышкы әгъзаларның төрле температурада булуын баш мие дә абайлап алмый. Эч яна, ә тышта -10С. Әле суык суда төрле микроблар барлыгын да онытмаска кирәк. Шулай итеп, эссегә каршы көрәш башлаган тән башка факторларны оныта, чиктәге сакчылар югала, авыруга «Хуш килдегез!» диеп ишек ачкан кебек була.

ЯРАМЫЙ 1

Кыскасы, тирләп-пешеп кайтсагыз да, киемне урамда салырга ярамый. Кайтып керүгә суык суга да ябышмагыз. Иң яхшысы: 10 минуттан кайнаган су эчегез. Кайнаган суда микроблар саны азрак, ә ун минут эчендә эчке һәм тышкы температурагыз акрынлап тигезләшер һәм баш мие кирәкле юнәлештә эшли башлар!

Алсу Ахтереева, педиатр

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 июль 2020 - 14:54
    КОЕ Кечерәк вакытында ерак әбисе аңа кое турында бер кызганыч хәл турында сөйләгән иде. Әбисе алардан җиде чакрым ераклыктагы авылда яши. Ерак әби исеме дә шуннан алынган. Имеш, кечкенә ятимә кызны үги әнисе кояш баегач коега суга җибәрә. Кайтмыйча озак тора кыз. Үги әни үз кызын кочаклап йоклап китә. Иртән таң суы алырга коега килгән апайлар су өстендә нәни баланың үле гәүдәсенә тап булалар. Шуннан соң бу коедан беркем дә су алмый. Үткән-киткән аннан әлләнинди ят авазлар килгәнен дә ишеткәләгән.
    1759
    0
    13
  • 15 июль 2020 - 17:52
    ГАДИЛЕКНЕҢ ГАЕБЕ БАРМЫ? Айдар Лилияне танымады. Әмма аның сылулыгымы, серле матурлыгымы ирне үзенә әсир итте. Карашында да аңлатып бетергесез нур, яктылык бар төсле. Шул ук вакытта башкалардан әллә ни аерылмый да кебек. Бары тик якын туганың, кадерле кешең кебек кенә нигәдер. Могҗиза диярсең.
    1378
    0
    8
  • 6 август 2020 - 09:16
    ҖИР АСТЫНДАГЫ ЯЗМЫШЛАР — Әнкәй юк инде... Күптән юк. Мин бит детдом баласы. Әткәйне соң гына эзләп таптым. Эзләмәс тә, тапмас та идем. Әнкәй өчен үч аласым килде. Ул бит әнкәйне тереләй кабергә керткән, аңа көн күрсәтмәгән... Кыйналып, изелеп яшәгән-яшәгән дә, бердәнбер көнне газизен, биш яшьлек малаен калдырып, бакый дөньяга күчеп киткән. Мин эзләп тапканда әткәй бик бетеренгән иде. Үлем чигенә җиткән иде. Ә минем, укуны бетереп, аякка ныклап баскан чагым. Акыл керә башлаган чак... Ә бит мин, детдомда чакта, аны табып дөмектерергә антлар эчкән идем. Бармагымны кисеп агызган җылы канымны кабып сүз бирдем. Хәнҗәр әзерләдем.
    1048
    0
    5

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019