"РОК – АЗАТЛЫК МУЗЫКАСЫ яки МИН РОК-МЕТАЛ БЕЛӘН ЧИРЛИМ"

Дустым, 13 апрель көнне дөньяда Рок-н-ролл көне уза. Сине чын күңелдән бу бәйрәм белән котлыйм һә иң яхшы 9 музыкаль композиция юллыйм. Шулайк ук берничә татар рокының иҗат җимешләрен тыңларга киңәш итәм.

Илмира Салих кызы Шәйдуллина, музыка дәресләренең берсендә "Рок вәкилләре, 50 яшьлек "The Beatles" төркеме – жанр классикасы. Һәм рок жанры, гомумән, классика булырга мөмкин" дигән сүзләргә - безнекеләр кәефсезлегеннән арынып, бик шатланды.


Өй эше булып берәр рок-группа турында мәгълүмат табып, сөйләү иде. Шимбә көнне бирелгән эш хәтта икеле капчыкларын да уятты, дистә укучылар алар турыда бик кызык фактлар тапкан, презентацияләр ясаган иде.


Безнең 8а сыйныфында 4-5 авыр музыка тыңлаучылары бар. Аларның яраткан рок төркемнәре: Green Day, Rammstein, Slipknot, Nirvana. Әле попурляшмаган төркемнәр дә байтак иде. Мисал өчен, Калифорниядә оешкан R5 рок-төркеме. Кыскасы, бу тема укучыларны илһамландырды һәм без аңа бик яхшы әзерләндек. Илмира Салих кызы презентацияләребезне, һичшиксез, конкурсларга җибәрәчәкмен, диде.


Кешеләр арасында мондый сүзләр йөри: имеш, классика һәм рок тыңлаучыларның баш мие яхшы эшли, алар 4-5леләргә генә укый һәм бик иҗади. Моцарт, Бетховен, Бах яратучыларның елмаю чаткылары чыгадыр хәзер, чөнки бу – дәлилләнгән! Әлбәттә, бу тыныч, күңелгә ятышлы жанрны беркайчан да онытмаслар, тыңларлар, дип уйлыйм.


Ә менә "таш музыка"га һәвәсләрне әле өйрәнеп бетмәгәннәр. Мин дә дусларымнан сораштыру уздырдым, менә рок фанатларының сүзләрен түкмичә-чәчмичә язып бардым.


Җәлил бистәсенең1нче мәктәбендә 8а сыйныфында укучы Зәринә Галиева: “Минем иң яраткан рок-төркемем – "Beatles". Бу сыйфатлы һәм рәхәт музыка белән бөтен көнемне уздырам кебек. (Хәтта фенечкасында да төркем исеме бизәлгән – авт.) Барысы да социаль челтәрләрдән башланды. Дустымның шундагы язмасында бу музыка бик ошады. Укуым яхшы, мин – “отличник”, хәзерге вакытта олимпиадаларга әзерләнәм. Сәнгать мәктәбендә белем алам”.


Сыйныфташым Айгөл Хантимерова: "Минем музыка дигән чир бар. Музыкасыз яши алмыйм. Аеруча металлны һәм рокны үземчә кабул итәм. Балачактан ук Rammstein фанаты мин. Ә хәзер алдагыларны ошатам: Marilyn Manson, Green Day, Slipknot. Тик, аларга карамастан, укуым яхшылардан түгел". 


Сыйныфташым Светлана Ермолаева: "Мин үземне горур итеп – меломан!, - дияр идем! Бу – берничә жанрларны үз итеп, аларны хөрмәтләү дә бит. Ә күпләр "рэп эстрададан матуррак" та ди. Безнең зәвык икенче кешегә караганда туры килми. Ләкин минем яраткан төркемнәр өч кенә: Green Day, Skillet, My Chemical Romance. Һәм алар рок! Мин көләч, игътибарлы, укыум – кайвакыт әйбәт, кайвакыт – юк!"


Нәтиҗә дә ясарга вакыт җитте. Мин берничә укучыдан алсам гына, башкалар үтенечемне кире кактылар. Ә Җәлилдә авыр музыканы тыңлаучылар - бихисап! Британия галимнәре сүзләренчә, классика һәм "хеви-метал" кешеләре (авыр музыка) вәкилләре охшаш. Икесе дә алар - иҗади, азатлы, әмма аралашмаучан кешеләр. Шуңа күрә белеме югары. Рок тыңлаучыларны, һәм рок белән мавыгучыларны без куркыныч, дип кабул итәбез. Ә чынлыкта, алар - иң гади кешеләр, тик үзләренең нечкәлекләре белән. Һәм шул кешеләрдә кызыксынуларны, нечкәлекләрне белеп яшәсәк иде, дигән теләктә калам.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2497
    0
    15
  • 22 август 2020 - 09:00
    НУРЛАНЫШ БҮЛМӘСЕНДӘ ...Май кояшы җылы нурларын өләшә. Палатаның кечкенә тәрәзәсеннән төшкән саран нурлар Регинаның күзләренә төшеп күзләрен камаштыра, күзләре үзләреннән-үзләре яшьләнеп йомылалар. Яшьләнгән күзләрендәге җан сагышын башкаларга күрсәтмәскә тырышып, стенага борылып ятып, одеялын башыннан үк бөркәнеп куя да уйлар диңгезенә чума яшь ана.
    1976
    0
    8
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    622
    0
    1

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019