«РӨСТӘМ МИҢНЕХАНОВ: «БЕЗНЕҢ НИГЕЗ - БУ ҖИРДӘ ЭШЛӘҮЧЕ ҺӘМ ЯШӘҮЧЕ КЕШЕЛӘР»

29 нчы июль көнне Татарстан президенты вазифаларын башкаручы Рөстәм Миңнеханов Норлат, Яңа Чишмә һәм Түбән Кама районнарында эшлекле сәфәрдә булып кайтты. Сәфәр вакытында Татарстан Лидеры кыр эшләрен күзәтте һәм авыл хезмәтчәннәре белән аралашты.

Искәртеп үтәргә кирәк: бүгенге көндә Татарстан - күпчелек икътисади мәсьәләләр һәм авыл хуҗалыгы буенча Россиянең алдынгы регионы санала. Республика җитәкчелеге ярдәме белән, үзебезнең авыл хуҗалыгы җитештерүчеләре татарстанлыларны барлык продукция белән тәэмин итә ала.

Рөстәм Миңнеханов һәр өч районның кырларын карап чыкты һәм механизатор, инвестор, авыл хуҗалыгы җитәкчеләре белән эшлекле очрашулар оештырды, урып-җыю эшләренең темплары турында сөйләште. Очрашу барышында билгеле булганча, урып-җыю эшләре белән бәйле бернинди авырлыклар да юк, барлык эшләр дә үз вакытында үтәлеп бара. Татарстан Лидеры исә һәр көннең, һәр мизгелнең файдалы узуын теләп калды.

Моннан тыш, Рөстәм Миңнеханов республикакүләм президент программаларының үтәлеше һәм 13 сентябрьдә булачак Бердәм сайлау көненә әзерлек белән кызыксынды.

Эшлекле сәяхәт вакытында Республика Лидеры Югары Уратма һәм Караул Тавы авыллары мәдәният йортлары ачылу тантанасында да катнашты. Рөстәм Миңнеханов “Авыл клублары” программасының республикада инде дүртенче ел тормышка ашырылуын искәртеп узды. "Республикада утызлап программа тормышка ашырыла, аларның күбесе эшли, шул исәптән авыл халкы өчен. Безнең нигез – ул җир, әлеге җирдә яшәүче һәм эшләүче кешеләр, ә безнең бурыч – алар өчен шәһәрдә булган шартлар тудыру", – дип билгеләп үтте Рөстәм Миңнеханов.

Яңа Чишмә районының Черемухово Бистәсендә Татарстан лидеры яңа мәктәп төзелешен карады. Әлеге мәктәп республика казнасыннан финансланган 56, 43 миллон сум, федераль бюджеттан бүленгән 14,3 миллион сум акчага төзелә. 100 балага исәпләнгән мәктәп быел 1 сентябргә ишекләрен ачар дип көтелә.  Республика президенты программасы кысаларында Татарстанда ел дәвамында барлыгы 13 мәктәп сафка басар дип ниятләнә.Икътисади шартларга карамастан, республикада бюджет хисабыннан башкарыла торган 30 уникаль президент программасы эшләвен дәвам итә.

Эшлекле сәфәргә нәтиҗә ясап, Рөстәм Миңнеханов "Урып-җыю эшләре башланды, техника эшли, ягулык бар, кешеләрнең  кәефе яхшы. Социаль объектлар, мәктәп, мәдәният йорты, юллар төзелеше билгеләнгән план буенча бара. Мин барысыннан да кәнәгать", - дип белдерде.

[gallery size="medium" ids="2178,2179,2180,2181"]

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2657
    0
    16
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    822
    0
    2
  • 13 сентябрь 2020 - 13:56
    КАЛАЙЧЫ КӘЛҮК Җиңел сөякле бабай, аягына эрҗинкә галушларын киеп алды да болдыр баскычыннан җәһәт кенә ишегалды чирәменә төште. Тагын бер кинәнеп арлы-бирле йөренгәләде. Алгысый иде аның күңеле, очына иде. Менә нидер эшлисе генә килеп тора бит. Ниндидер бер гайре табигый эш. Әмма дә ләкин файдалы эш булсын иде ул. Тиктомалдан чуарланып йөрергә яшь-җилкенчәк түгел лә ул! Хәкимәсе: «Вәт маладис, картым! Вәт булдыргансың, атасы!» – дип әйтерлек булсын. Мактаганны ярата ул. 
    704
    0
    5

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019