ПИТРАУ-2018: КЕРӘШЕННӘР УТ БИРӘ /ФОТО/

Илдә футбол буенча дөнья чемпионаты гөрләгән вакытта  ниндидер зур чара уздыру бик авыр, билгеле. Уздыру гына түгел, аңа халык, артист-җырчыларны җәлеп итү – чын геройлык, миңа калса. Ә менә Мамадыш районы дөнья чемпионаты белән көндәшлек итүдән куркып тормады – тотты да тәвәккәлләде.

Әле ярый шулай ниятләгәннәр – бәйрәм бер дигән иде. Гомумән, керәшеннәрнең бәйрәмнәре, тормыш рәвешләре – әйтерсең аерым дөнья. Чын мәгънәсендә уникаль халык бу. Керәшеннәрдәге дустанә мөнәсәбәтне, киң күңеллелек, тырышлык, бәйрәм итү белүне сирәк кемнәрдә генә күргәнем бар.

Бәйрәмдә беренче күзгә ташланган әйбер – елдан-ел килүчеләрнең арта баруы. Оештыручылар мондый халык күләменең күңелен күрергә теләп, елдан-ел яңа бәйгеләр, күңел ачу чаралары уйлап табып торалар. Ат чабышлары, көрәш, төрле бәйгеләр, ярышлар (судан балык тоту ярышы белән капчык сугышы һәм хатыннарының ирләрен тачкада йөртү бигрәк тә халыкка ошады), ашау-эчү, аттракционнар, артистлар-җырчыларның чыгышлары (быелгы бәйрәмдә һичшиксез “бомбалар” – Ришат Төхвәтуллин, Илназ Сәфиуллин, Альберт Нурминский һәм ялкынлы барабанчылар төркеме) – теләсә кемнең күңеленә хуш килерлек әйберләр күп монда.





Шулай да, миңа калса, мәйданның үзәге – “Керәшен чибәре” бәйгесе һәм Питрау музее. Беренчесе – керәшен халкының ничек яшәвен, аның йолаларын, гореф-гадәтләрен, ризыкларын, милли киемнәрен үз күзең белән күрергә мөмкинлек бирсә, икенчесе исә керәшен халкының тарихын, Питрау бәйрәменең тарихын өйрәнү-белү өчен шәп мөмкинлек.

Питрау-2018 – юбилей алды бәйрәме. Киләсе елга керәшеннәрнең милли бәйрәмен 20-еллык юбилей көтә. Шуңа күрә быелгы Питрауны зур әзерлек дип тә атарга була. Бәйрәмдә булып кайтканнан соң бер нәтиҗә һәм бер теләк туа: Питрау – супер һәм Питрау-2019 тизрәк килеп җитсен иде.





















Искәндәр ХӘБИБУЛЛИН
Искәндәр ХӘБИБУЛЛИН фотолары


 

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 13 июль 2020 - 15:26
    КИЛЕН КЫЗЫМ Өченче улы алып кайткан киленен Хөршидә беренче күрүдән үк ошатмады. Төскә-биткә матур, тыйнак холыклы күренсә дә, кайнана кеше Әлфинурның килешсез якларын гына күрде. Битенә бәреп әйтмәсә дә, кодагые туйга алып килгән чәкчәктән башлап, яшь киленнең нәсел-ыруына хәтле ахирәтләре, күршеләре белән тикшерде.
    2021
    0
    11
  • 30 июль 2020 - 14:54
    КОЕ Кечерәк вакытында ерак әбисе аңа кое турында бер кызганыч хәл турында сөйләгән иде. Әбисе алардан җиде чакрым ераклыктагы авылда яши. Ерак әби исеме дә шуннан алынган. Имеш, кечкенә ятимә кызны үги әнисе кояш баегач коега суга җибәрә. Кайтмыйча озак тора кыз. Үги әни үз кызын кочаклап йоклап китә. Иртән таң суы алырга коега килгән апайлар су өстендә нәни баланың үле гәүдәсенә тап булалар. Шуннан соң бу коедан беркем дә су алмый. Үткән-киткән аннан әлләнинди ят авазлар килгәнен дә ишеткәләгән.
    1540
    0
    13
  • 15 июль 2020 - 17:52
    ГАДИЛЕКНЕҢ ГАЕБЕ БАРМЫ? Айдар Лилияне танымады. Әмма аның сылулыгымы, серле матурлыгымы ирне үзенә әсир итте. Карашында да аңлатып бетергесез нур, яктылык бар төсле. Шул ук вакытта башкалардан әллә ни аерылмый да кебек. Бары тик якын туганың, кадерле кешең кебек кенә нигәдер. Могҗиза диярсең.
    1219
    0
    8

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019