"ПЕСИЕМ ЭТЛЕК ЭШЛИ!"

 Эт этлеген, песи песилеген итә. Монысы аңлашыла, әлбәттә. Ә киресенчә булса?! Менә сез җәйге ялларда рәхәтләнеп ял итеп яткан арада дөньяда сәер үзгәрешләр булып куйган бит әле. Ишетмәдегезме?! Танылган җырчы апаларыгызның өендә яшәүче песиләрдә этләргә хас сыйфатлар өстенлек ала башлаган. Ләкин куркуга төшәргә ашыкмыйк! Бәлки, бу эволюция баскычындагы яңа бер этап кынадыр? =)

КОНЦЕРТ КҮЛМӘКЛӘРЕМНЕ ЯРАТА

НУРЗАДӘ, җырчы: Песием Мәркәз исемле, зур малай инде, 7 яшь тула быел үзенә. Себер токымы. Бик акыллы песи, кеше кебек акыллы, тик сөйләшми генә.

Мин Мәркәзне әтисе белән әнисе яныннан алып кайттым, ягъни хуҗаларыннан барып сатып алдым була инде. Аңа ул чакта 2 генә ай иде әле. Кечкенә чагында бик шук иде Мәркәз, хәзер, үсә төшкәч, бераз сабырланды инде.

Минем гастрольгә җыенганымны әллә каян белә – сумкаларымны җыя, әзерләнә башласам, хәзер берәр этлек эшләп куя. Йә шул сумканың эченә кереп ята, чыгарам димә, йә берәр нәрсәне чәйнәп, өзгәләп ташлаган булып чыга. Концерт күлмәкләремне аеруча ярата – тарткаларга, эләктерергә генә тора.

Мин озаккарак китеп торсам, бик зарыга Мәркәз. Сагына мине. Кайтып керүемә, ишек төбендә ул каршы ала. Миңа калса, ул күп вакытын ишек төбендә үткәрә. Артист мәчесенең язмышы инде, нишлисең.

Килеп керәм, сумкаларымны куям да, беренче эш итеп, аны иркәлим. Колак артларын кашып: «Йөнтәс колагым, түгәрәк төймәм, яшел күзем, почык борыным, аклы-каралы озын мыегым, кара авызым, дәү тәпием, озын койрыгым, көдрә корсак, матурчигым...» ‒ дия-дия сөям мин аны.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 27 март 2020 - 10:08
    ПАР БЕЛӘЗЕК Зөлхиҗҗә иртәгесен туган-тумача, дусларын, тирә-күршеләрен җыеп Коръән мәҗлесе уздырырга әзерләнә иде. Киләсе кунаклар инде чакырылган. Бик озак урын хастасы булып яткан әнисенең бакыйлыкка күчкәненә ике ел узып та киткән. Хәергә өләшәсе йомшак ак сөлгеләре күптән түрдәге тумбочка өстенә таслап куелган. Зөлхиҗҗә әнисе исән чакта да аңа гел ак төстәге күлмәкләр, яулыклар гына ала иде. Биш ел урында ятты карчык.
    4622
    0
    88
  • 18 март 2020 - 15:36
    ТӘҮГЕ МӘХӘББӘТ Ә мәхәббәт дигәнең буйга-сынга карыймы соң? Ул бит буйга гына түгел, яшькә дә карамый. Мәхәббәт үтмәслек киртәләр юк. Ә тәүге сөю бигрәк тә...Ә Зөлфәтнең йөрәгендә әле бу саф тойгының бөреләнеп чәчәк атар чагы гына. Унҗиде яшь... Гомернең иң матур, иң кадерле чагы икәнлеген без бик күп еллар үткәч кенә аңлыйбыз шул. Мәңгегә шулай яшь, матур, дәртле булырбыз кебек.
    3683
    0
    33
  • 24 март 2020 - 16:21
    ҮЗ ЯЛГЫШЫМ, ҮЗ ЯЗМЫШЫМ Рәмилә, уйларыннан арынып, наушнигын салды да кызының бүлмәсенә керде. Индира скайптан Марс белән аралаша иде. Шулай да әнисен күргәч, экранны сүндереп куйды. Рәмиләнең Хәбир турында бик сорыйсы килә иде. Әмма сүзне башка яктан башлады: “Син, кызым, дәү әниең белән алай дорфа сөйләшмә, ярыймы. Ул бит сиңа яхшылык кына тели”. Әнисенең бу сүзләре ачуын китердеме, Индира йөзен чытты: “Әни, син ул җен карчыгына буйсынып, үзеңне ирдән, мине әтидән яздырдың! Сез икегез дә аның корбаны!
    3566
    0
    36

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019