ОТКРЫТКА ЯСАП, БҮЛӘК ОТ!

Татарстан яңа акция игълан итә: Республикаңа атап, открытка яса һәм бүләк от. Беренче открыткалар инде «Санта» лагеренда ясалган. Бу лагерьда ял итүче малайлар һәм кызлар янына кунакка «Татарстан командасы» җәмәгать инициативалары төркеме һәм «Иҗади яшьләр академиясе» оешмасы килгән булган.




АКЦИЯ НӘТИҖӘЛӘРЕ: август уртасында билгеле була
КАЙДА ҖИБӘРЕРГӘ: открыткаңны Казан шәһәре, Горький урамы, 12 йортка китерергә яисә аның фотосын «Команда Татарстана» сайтына йөкләргә кирәк.

Абый-апалары килгән-килгән, маҗаралы квест үткәреп, үсмерләрнең Республика үзенчәлекләрен белү дәрәҗәсен дә сынап киткәннәр.


открытка 1



Максим Никитин, открытка ясау акциясен оештыручы:



«Санта» лагеренда квест үткәреп, акцияне ачып җибәрдек. Малайларга-кызларга бу идея ошады, бик кызык рәсемнәр ясадылар. Квестных бер өлешен Республикабыз тарихына багышладык, сораулар Тукай әкиятләреннән башлап, ничә елгабыз барлыгын белүне дә таләп итә иде. Актив катнашучыларны инде брелоклар һәм түштамгалар белән бүләкләдек. Ләкин төп нәтиҗәләр әле август уртасында гына ясалачак. Шуңа сез дә үз открыткаларыгызны җибәрегез!



открытка 2
Алина Ак,10 яшь, квестта катнашучы:



Мин Республика көне белән котлау өчен открытка ясадым. Бөтен кешегә бәхет, ярату һәм чиста күк йөзе телисем килде. Тагын мин Татарстан флагын ясадым, чөнки миңа Татарстанда яшәү рәхәт. Ак төс – чисталык, яшел – табигать, ә кызыл төс – дусларымның мине яратуын аңлата.



Руслан Рубанов, 16 яшь, квестта катнашучы:



Бу открыткада мин үземнең дусларымны ясадым, алар табигать төшерелгән полотно һәм Татарстан флагын тотып торалар. Тик үземә калса, әллә ни шәп килеп чыкмады кебек. Алай да күңелемне төшермим, чөнки квестта мин дусларым белән катнаштым, бик күңелле булды. Минем өчен Татарстан ул – дуслар җыелган бер зур түгәрәк, һәм алар гел синең яныңда була.



открытка 3



Ралина Фатыхова, 13 яшь, квестта катнашучы:



Рәсемемдә мин күк чисталыгын һәм табигать матурлыгын күрсәтергә тырыштым. Һәм Республикада яшәүчеләрне шул рәсем аша уртак киләчәгебезне кайгыртырга чакырдым, сайлауга чакыру ясадым. Киләчәк бит бездән тора.



Ә квест әле башка лагерьларда да узачак. Шуңа открытка конкурсында катнашуның тагын бер ысулы – лагерьга бару.

Нравится
Комментарии (0)
Осталось символов:
Шәп укыла
  • 18 ноябрь 2019 - 17:20
    КӘЛӘПҮШЛЕ КЫЗ Бу очрашуны Сиринә күптән көткән иде. Үзе көтте, үзе курыкты. Әмма юкка дулкынланган икән. Барысы да шулчаклы гади, гадәти килеп чыкты.
    3995
    5
    42
  • 16 ноябрь 2019 - 16:42
    ӘНИЛЕ ЙОРТТА Мин гомерем буе әниле йортта яшәргә хыялландым... Хәтерлим әле, бала чакта үзебезгә кайтырга теләмичә, гел иптәш кызларыма керү җаен эзли идем. Чакырсалар да, чакырмасалар да, мин аларга ияреп әниле йортка керә идем. Әниле йортлар якты була, нурлы, җылы була. Әниле йортларда җанны сыйпый торган, күңелгә ятышлы ниндидер аерым бер тәмле ис була...
    2793
    1
    29
  • 25 ноябрь 2019 - 10:39
    ИҢ КИРӘГЕ... Әнисенең йөзен дә, гәүдәсен дә нәкъ Сәлимә Галимовнаныкы кебек күз алдына китерә Юлай. Беркөн бу хакта әтисенә дә чишелде әле. Әтисе башта югалып калды, бераз эндәшми торгач: – Әниең сары чәчле, – дип куйды. И-и, эш чәчнең нинди төстә булуындамыни!
    2483
    0
    48

Блоглар
  • 28 ноябрь 2019 - 16:46
    СИН КАҺВӘНЕ ДӨРЕС ЭЧӘСЕҢМЕ?
    Юк, дустым, мин сине ничек дөрес итеп чокыр тотарга, матур итеп эчәргә өйрәтмим, анысын син миннән башка да яхшы беләсеңдер. Сүз бераз башка әйбер хакында.
    Гүзәл Закирова
    164
    0
    0
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019