«МУЗЕЙДА «СУГЫШ» КҮРСӘТӘЧӘКЛӘР»

Россия көненә Татарстан Республикасы Милли музеенда ике Ватан сугышы вакыйгалары реконструкцияләнәчәк.


2016 нчы елның 11, 12 нче июнендә, Россия көнендә, Татарстаннан һәм Россия Федерациясенең башка төбәкләреннән килгән хәрби-тарихи хәрәкәттә катнашучылар ике Ватан сугышы бәрелешләрен реконструкцияләячәк.


Бәйрәм көннәрендә Казанда беренче тапкыр реконструкторлар арасында яхшы таныш булган «Витязь»клубы оештырган «Көнчыгыш-Көнбатыш: Россиядә Ватан сугышы» исемле Регионара хәрби-тарихи фестиваль узачак. Фестиваль Татарстан хәрби-тарихи җәмгыятенең патриотик тәрбия программасын тормышка ашыру буенча башкарган эшләрен ачык күрсәтәчәк.


Шул чор костюмнарындагы 150 дән артык кеше музейга килүчеләрне ерак үткәнебезгә алып китәчәкләр: Дворян баллары, клубларда бию кичәләре, фотосалон һәм армия бивуагы безнең көннәргә кире кайтачак. Бөек сугышларның бәрелешләре эпизодларын да күрү мөмкин булачак.


«Көнчыгыш – Көнбатыш» турниры ТР Милли музеенда традицион рәвештә элек тә уздырыла иде, ә быел реконструкторлар беренче тапкыр тамаша өчен Урта гасырлар дәверен түгел, ә героик 1812 нче, 1941-1945 нче елларны сайладылар.


11 июньнең программасы 1812 нче елгы Ватан сугышына багышлана.


Музейга килүчеләр XIX гасыр башына караган поход тормышы эпизодларын күрсәткән солдат бивуагын күрә, дуэльләр традицияләре белән таныша алачаклар. Музей бинасында бал, биюләр һәм күнел ачулар буенча мастер-класс, җырлар һәм романслар концерты, цирк тамашасы булачак, костюмнарны реконструкцияләү барышы күрсәтеләчәк. Наполеон сугышы күренешләренең эпизодлары реконструкциясе программаның төп вакыйгасы булачак.


12 июнь программасы тулысынча 1941 – 1945 нче еллардагы Бөек Ватан сугышына багышлана.


Тынлы оркестр сугыштан соңгы 40 нчы еллар атмосферасын тудырачак.


Ә бию коллективы үзенең «Бүген кич белән биюләр була» исемле программасы белән музейга килүчеләрне әби-бабаларыбыз яшьлегенә алып китәчәк.


Шул гасыр сулышын һәм чынбарлыгын күрсәтү өчен, кырыгынчы еллар костюмнары күрсәтеләчәк, фотосалон эшләячәк. Сугыш еллары җырларыннан төзелгән концерт, штык белән сугышу буенча мастер-класс беркемне дә битараф калдырмаячак.


Сугыш күренешләре эпизодлары реконструкциясе программаның кульминациясе булыр дип көтелә; аны РККА һәм Вермахт сугышчылары киемнәренә киенгән хәрби – тарихи клуб членнары күрсәтәчәк.


Бу көннәрдә музей залларында Россиянең Ватан сугышларына багышланган «12 нче ел гарасаты», «Бөек Билгесез сугыш», «Бөек Ватан сугышы елларында Татарстан» исемле күргәзмәләр эшләячәк.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2605
    0
    16
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    748
    0
    1
  • 13 сентябрь 2020 - 13:56
    КАЛАЙЧЫ КӘЛҮК Җиңел сөякле бабай, аягына эрҗинкә галушларын киеп алды да болдыр баскычыннан җәһәт кенә ишегалды чирәменә төште. Тагын бер кинәнеп арлы-бирле йөренгәләде. Алгысый иде аның күңеле, очына иде. Менә нидер эшлисе генә килеп тора бит. Ниндидер бер гайре табигый эш. Әмма дә ләкин файдалы эш булсын иде ул. Тиктомалдан чуарланып йөрергә яшь-җилкенчәк түгел лә ул! Хәкимәсе: «Вәт маладис, картым! Вәт булдыргансың, атасы!» – дип әйтерлек булсын. Мактаганны ярата ул. 
    649
    0
    5

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019