«МИН СИНЕ ЯРАТАМ...ТУҢДЫРМА!»

Кем генә яратмый икән шул үзе баллы, үзе салкын ризыкны? Кечкенә чактан үлеп тора идек без аның өчен. Балачак хатирәләреннән шул истә калган: әти-әниләр һәрчак “Без бәләкәй чакта туңдырма тәмлерәк була торган иде”, - дияргә ярата иделәр. Ул чакта аларга бераз үпкәләп тә куя идем. Имеш, хәзер тәмле түгел... Инде үземнең дә алар кебек “Элек тәмлерәк иде...”, - диясе килә. Чынлап та, кечкенә чакта ашаган туңдырмалар хәзер юк шул. Әмма аларның тәме тел очында...


Туңдырма үзенең тарихы белән бик еракларга барып тоташа. Беренче туңдырма б.э.к. 4 гасырда барлыкка килгән дип саныйлар. Аны үзенең хезмәтчеләренә Рим императоры Нерон тау җиләкләрен бозга катырып әзерләргә кушкан, имеш. Соңрак Кытай патшасы Тангу сөтне һәм бозны катырып, туңдырма әзерләткән. Күп тә үтми француз һәм итальян патшалыкларында да туңдырманың рецепты таралу ала. Европага беренче туңдырма Кытайдан кергән дип санала.


Элек туңдырманы ничек ясаулары хакында беркемгә дә сөйләргә ярамаган. Аның рецепты зур сер итеп, җитмеш йозак астында сакланган. Хәтта аны әзерләүче аш-су осталарыннан махсус рәвештә вәгъдә бирдерә торган булганнар. Француз патшабикәсе Екатерина Медечи идарә иткән вакытта туңдырма ясау ысуллары дәүләт сере булган! Бу серне чишкән кешеләрне үлем җәзасы көткән...


Ләкин әлеге татлы ризыкның рецепты,бернигә дә карамый, киң таралу тапкан. Хәзер исә аның нинди генә төрләре, тәмнәре, формалары юк! Америкада хәтта сарымсак тәме килеп торган туңдырма уйлап табылган!


Еш кына “Мин туңдырма ашый алмыйм, тамагым авыртырга мөмкин”, - дигән сүзне ишетәбез. Ә сез америкадагы әти-әниләрнең туңдырма белән авырткан тамакларны да дәвалаганнарын беләсезме?! Әйе, чынлап та баласының тамагы авыртып китсә, аңа соктан катырылып ясалган түгәрәкләр бирәләр. Гиппократ та үзендә дәваланучыларга сәламәтлек өчен катырылган җимеш эчемлекләрен кулланырга киңәш итә торган булган.


Туңдырманың тарихы бик бай. Бүгенге көндә дә ул иң яраткан десертларның берсе булып санала. Җәй – туңдырма белән сыйлану вакыты. Теләге булган кеше аны өй шартларыда да әзерли ала. Барыгызга да туңдырмалы җәйләр телим!

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 3 февраль 2020 - 09:47
    КОШЛАР КЫШЫН ДА САЙРЫЙ Гөлбәһия ахшам намазыннан соң озак юанмыйча, урын-ястыкларын актара башлады. Бүген иртәдән бирле, кунак киләсе бар кебек, авырайтып торды. Көннең кисәк кенә үзгәрүенең халәткә тәэсиреме?! Шулай дип уйлап та бетермәде, ишек кыңгыравы чыңлады. Ул мендәрен кочаклаган килеш тынып калды.
    2799
    3
    30
  • 22 гыйнвар 2020 - 10:17
    ИКЕ УЛЫМ Фидаилның хәле чыннан да бик кызганыч иде. Кырык ике яшендәге сөлектәй ир эчәгенә ясаткан операциядән соң беткән, ябыккан иде. Өч ай буена урында ятып как сөяккә калган иде. Ракка каршы табиблар да көчсез шул. Алар бу явыз чирне дәвалый алмый, бары тик булдыра алганча, авыруның санлы гына елларын, айларын озайтырга тырыша.
    2313
    2
    30
  • 5 февраль 2020 - 16:42
    МИЛӘШ АЧЫСЫ Ашыкмый шул Сәвия әби: өйдә көтеп утырган кешесе, умырып эшләрдәй эше юк. Ялларда балалары килгәч, җыештырып, ашарына әзерләп китәләр. Балалары күпме генә үзләренә чакырсалар да, алар янына китеп яшисе килми аның.
    1758
    2
    32

Блоглар
  • 19 февраль 2020 - 10:46
    2020 ЕЛДА ЯЗ-ҖӘЙ ТРЕНДЛАРЫ!
    Сәлам! Мин – Галия, стилист. «Ялкын»да үз шәхси рубрикамны ачып җибәрәм һәм бирегә мода белән кызыксынган, һәрвакыт зәвыклы, матур булырга омтылучы үсмерләр һәм яшьләрне чакырам.
    Галия Сафина
    37
    0
    0
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019