«ҖӘЛИЛ ВАРИСЛАРЫНА» - ЯҢА КИТАП

15 февральдә, Муса Җәлилнең туган көнендә, «Җәлил варисларына» дип исемләнгән яңа китапны тәкъдим итү кичәсе үткәрелә. Әлеге китап бөек татар шагыйре, Советлар Союзы Герое Муса Җәлилгә багышланган.

Җыентыкта М.Җәлил шигырьләре белән беррәттән, аның биографиясеннән аерым сәхифәләр, кроссвордлар, ребуслар, интеллектуаль уеннар, биремнәр бар. Китап кече яшьтәге мәктәп балаларына өчен язылган, шулай ук уку-укыту басмасы буларак та кулланыла ала.

Кичәнең махсус кунагы - шагыйрьнең кызы Чулпан Җәлилова. Шулай ук кичәдә Татарстан китап нәшриятенең баш мөхәррире Ленар Шәехов, төзүче-авторы Рифат Сәлахов, бизәлеш мөхәррире Миләүшә Вазиева дә катнашалар. Кичә көндезге сәгать икедә, Горький урамы, 17 йортта, герой-шагыйрь Муса Җәлилнең музей-фатирында узачак.

Кичә татар гимназияләренең башлангыч сыйныф укучылары өчен үткәрелә. Кунаклар алдында М.Сәлимжанов исемендәге Актерлар йорты каршындагы «Нур» балалар коллективы, 5нче номерлы музыка мәктәбе, 26 лицей, 31 мәктәп укучылары чыгыш ясаячаклар.

Шагыйрь туган көнендә, елдагыча, музейда шигырьләр һәм җырлар яңгырар...

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 15 апрель 2021 - 15:45
    ЧӘЙГӘ ТОРТ ПЕШЕРӘБЕЗ Чәй эчәргә әйбер бетеп киттеме? Әйдә үзебез пешерәбез!
    661
    0
    0
  • 10 апрель 2021 - 10:33
    ШАМПИНЬОНЛЫ КАРАБОДАЙ. РЕЦЕПТ Дөрес тукланучылар өчен бик тәмле һәм җиңел рецепт. 20 минут эчендә әзер дә була.
    535
    0
    0
  • 1 май 2021 - 14:19
    «БЕЗНЕҢ ӨЙДӘ ГЕЛ ЭШЛӘП ТОРЫРГА КИРӘК...» «Безнең өйдә шундый кагыйдә бар: син гел нәрсә дә булса эшләп торырга тиеш. Идән ю, өстәл җыештыр, гөлләргә су сип, кер төр, тик утырма гына... Берәр фильм карый яки китап укый башласам: «Эшең беттемени?» – дип килеп җитәләр. Минем ял итәсем, вакытны үзем теләгәнчә уздырасым килә. Әниләргә шуны аңлата алмыйм...»
    313
    0
    0

Блоглар