"ЛАЙК"ЛАР ҖЫЯЧАК БАНКЕТКА"

Мин тәкъдим итәсе мастер-классның берничә «фишка»сы бар. Беренчедән, ул малайларны әтиләре яисә ир туганнары белән берләштерәчәк. Икенчедән, бөтерчек бала-чаганың да, киң бәдәнле егетләрнең дә, «Ялкын»дай дәү, сөякләре шыгыр-шыгыр (журнал битләре – кыштыр-кыштыр) килгән өлкәннәрнең дә – барысының да ихтыяҗын канәгатьләндерәчәк.


Бүген ясыйсы хикмәтле әйберебез агач банкетка дип атала. Алдан кисәтәм: аны ясау өчен берничә җиһаз-станок кирәк булачак. Шуңа да бу эшкә әтиегез яки башка өлкән кеше белән генә алыныгыз. Куркынычсызлык кагыйдәләрен дә истә тотыгыз! Махсус күзлек киеп кенә эшләү рөхсәт ителә.


1. Беренче эш итеп утыргычның «тәпи»ен ясыйбыз. Моның өчен 45×45мм юанлыктагы һәм 425мм озынлыктагы каен (чыдамлырак) яки нарат борыс (брусок) алабыз. 
1


2. Линейка белән борысның үзәген билгеләп, карандаш белән тамгалыйбыз.2


3. Агач өчен кыру (токарный) станогында борысны ике яклап үзәгеннән кысабыз. Ярымтүгәрәк кыру кискече (полукруглый резец) белән борысның өске катламын салдырып, өске өлешен цилиндр рәвешенә китерәбез. Кырганда кысылган борыс әйләнеп тора. Тизлеге агачның диаметрына карап көйләнә. Без минималь диаметр (45мм) белән эш итәбез, шуңа борысны минутына1600 әйләнеш тизлеге белән әйләндерәбез.   3


4. Кыек өтерге (косая стамеска) белән борысның астын суганча кыяфәтенә китергәнче кырабыз. Уртасында күңелегезгә хуш килгән фигуралар әмәлли аласыз. Әйтик, без кечкенә цилиндрлар ясадык.4


5. Ямьсез чебештән матур аккошка әйләнгән һәркемгә билгеле әкият герое кебек, борысыбыз да «тәпи»гә әйләнде.5


6. «Тәпи»не башта калын, аннары вак шомарткыч белән ышкыйбыз.6


7. Теләсә кайсы нормаль мал-туар, йорт хайваны дүрт тәпиле була. Шуңа да банкеткабызны сау-сәламәт итү өчен, аңа дүрт «тәпи» ясыйбыз.7


8,9. Банкетканы башка өлешләре белән тоташтыру өчен, рәсемнәрдә күрсәтелгәнчә, борау-паз ясау (сверлильно-пазовальный) станогы белән «тәпи»дә өстән һәм астан озынча уемнар (пазлар) тишәбез. Станоктагы борауның диаметры – 12мм. Уемның тирәнлеге детальнең калынлыгыннан тора. Тыштан 8-10мм калдырабыз. Әйтик, «тәпи»нең калынлыгы 45мм икән, уемны 35мм тирәнлектә ясыйбыз.8


9Дәвамы соңрак.


Линар ЗАКИРОВ фотолары

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 6 февраль 2021 - 10:39
    ЧӘЧӘКТӘН КАЙТКАН ТӨН Язгы суларны чупыр-чупыр китереп, иптәш кызым белән аның авылына кайтып киләбез. Инде карлар эреп беткән диярлек. Анда-санда тишелеп чыккан үги ана яфраклары баеп барган кояшка сары чәчәкләрен сузган. Язның беренче шытымнарын өзәргә кул бармый. Җанда эчке бер рәхәтлек. Шушы сары чәчәкләр, сап-сары кояш, иптәш кызымның сап-сары кофтасы шул рәхәтлеккә туры килә торган саф төсләр сирпи.
    1389
    0
    6
  • 5 февраль 2021 - 13:01
    ЯЛЛАРДА КЕКС ПЕШЕРӘБЕЗ! Якыннарыңны берәр тәмле әйбер пешереп сыйла әле әйдә! Бездән рецепт!
    467
    0
    0
  • 10 февраль 2021 - 15:15
    6 ТӨРЛЕ СЭНДВИЧ РЕЦЕПТЫ Аны өйдә утырып ашарга да, тегендә яки монда үзең белән эләктереп барырга да җайлы. Бүген без сезгә сэндвич рецептлары тәкъдим итәбез.
    436
    0
    0

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019