КӨТӘРСЕҢМЕ МИНЕ | ХИКӘЯ | ӨЧЕНЧЕ БҮЛЕК | АРМИЯ

Ә бүген Булатка армиягә чакыру кәгазе килеп төште. И, сөенде егет! Аның да бит сугыш киноларындагы кебек илне яклыйсы, дошманнардан саклыйсы бик килә. Тик сөйгәне бу хәбәр белән кәнагать булмады. Булатка мөлдерәмә күзләрен төбәде дә “Бармый калсаң гына ярамасмы соң?” - диде. Шушы сүз егеткә җитә калды да инде.







Әсәрнең алдагы өлешен укыйсыгыз килсә: ТӘҮГЕ СӨЮ





- Мин балачактан бирле анда барырга хыялланам, җаным! Бары тик бер ел... түзмәссең кебек мени? Мин үз бурычымны үтәргә тиеш!
- Соң ә мин синсез нишләрмен? Минем хакта да уйла инде бераз... Мин кайтып җиткәнче син укуыңны тәмамларсың. Шуннан гаилә корып җибәрербез. Алла боерса, өй дә салырбыз. Барысы да булыр, көт кенә, җаным. Көт кенә.







Айзирәк 2Айзирәк ризалыгын биреп, башын селкеде. Бер ел тиз арада узар сыман тоелса да, көтәргә кирәк бит әле аны! Ара бит ул мөнәсәбәтләрне ерагайтырга да мөмкин. Шундый ише уйлар аркасында кыз төне буе йокыга китә алмады. Күз ачып йомганчы үтелсен иде дә, янында Булаты булсын иде. Булсын иде шул. Киләчәкне белеп булсын иде. Хәер, юк, белеп тә, алдан күреп тә булмасын иде. Ничек бар шулай калсын.





Булатны озаттылар бүген. Авылдагы барлык кеше дә килеп бетте дисәм, түбән оч Мирхәд юк икән. Тагын эчеп өенә кайтмагандыр инде. Анысы мөһим түгел. Иң мөһиме – Айзирәге янында. Матур пардан күзләрен дә алмаган кызлар – егетләр бары тик ахыргача бәхетле булуларын теләделәр. Булатның иң якын дусты Айзат кына Айзирәк яныннан китмәде. Теләгән теләкләрендә дә ниндидер бер яшерен мәгънә салынган иде аның:



- Булат, еракларга китсәң дә, яңа хисләр эзләмә. Югыйсә, кулындагы затлы кошны очыруың бар...


Аның сүзләрен беркем дә төбенә төшеп аңламады, хәер тыңламады да. Булатның күзеннән бәреп чыккан күз яшьләрен Айзирәк кенә күрде. Чын йөрәге белән яратуын ул гына сизде. Соңгы күрешкән дә, сөйгәненә бирелеп карады да “Көтәрсеңме?” – диеп дәште. Ә тегесе тирән уйларга чумып, чыга алмый җәфаланганда, поезд тавышы колакларны ярып килеп җитте. “Көтәм” – диеп Айзирәк әйтә алмады. Әйтте ул аны, күп мәртәбә әйтте. Тик аны Булат үз колагы белән ишетмәде...



Дәвамы бар...


Рәфидә Галимҗанова






ТАГЫН УКЫРГА:


КӨТӘРСЕҢМЕ МИНЕ: БЕРЕНЧЕ БҮЛЕК

КӨТӘРСЕҢМЕ МИНЕ: ИКЕНЧЕ БҮЛЕК

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 июль 2020 - 14:54
    КОЕ Кечерәк вакытында ерак әбисе аңа кое турында бер кызганыч хәл турында сөйләгән иде. Әбисе алардан җиде чакрым ераклыктагы авылда яши. Ерак әби исеме дә шуннан алынган. Имеш, кечкенә ятимә кызны үги әнисе кояш баегач коега суга җибәрә. Кайтмыйча озак тора кыз. Үги әни үз кызын кочаклап йоклап китә. Иртән таң суы алырга коега килгән апайлар су өстендә нәни баланың үле гәүдәсенә тап булалар. Шуннан соң бу коедан беркем дә су алмый. Үткән-киткән аннан әлләнинди ят авазлар килгәнен дә ишеткәләгән.
    1798
    0
    13
  • 6 август 2020 - 09:16
    ҖИР АСТЫНДАГЫ ЯЗМЫШЛАР — Әнкәй юк инде... Күптән юк. Мин бит детдом баласы. Әткәйне соң гына эзләп таптым. Эзләмәс тә, тапмас та идем. Әнкәй өчен үч аласым килде. Ул бит әнкәйне тереләй кабергә керткән, аңа көн күрсәтмәгән... Кыйналып, изелеп яшәгән-яшәгән дә, бердәнбер көнне газизен, биш яшьлек малаен калдырып, бакый дөньяга күчеп киткән. Мин эзләп тапканда әткәй бик бетеренгән иде. Үлем чигенә җиткән иде. Ә минем, укуны бетереп, аякка ныклап баскан чагым. Акыл керә башлаган чак... Ә бит мин, детдомда чакта, аны табып дөмектерергә антлар эчкән идем. Бармагымны кисеп агызган җылы канымны кабып сүз бирдем. Хәнҗәр әзерләдем.
    1135
    0
    5
  • 19 июль 2020 - 02:17
    ТӨССЕЗ ДӨНЬЯ Шулай үз дөньяма чумып, автобус тукталышына җиткәндә, бер егеткә килеп төртелдем. Колагымдагы наушниклар җиргә төшеп киттеләр. Аларны алырга үрелгәндә, егетнең агач шикелле басып торуын күреп: – Күзең күрмиме әллә? – дип сукрандым. Эчемнән шушы сүзләр өчен үз-үземне сүксәм дә, уйларымнан нәүмизләнеп, кәефем кырылган чак иде. – Күрмим, – диде егет тыныч кына.
    1054
    0
    10

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019