КИТАП ЭЗЕ

Китап эзе каламы сездә? Калса, бу язма сезнең өчен! "Күз бәйләп очрашу" (blind date) - моңарчы бер-берсен белмәгән һәм фотодан да күрмәгән затларның очрашуы. Кеше белән кешенең, мәсәлән, кеше белән пошиның, поши белән песинең. Бу язма кеше белән "күзе бәйләнгән" китапның очрашу турында.



ТЫШЛЫГЫНА КАРАП ФИКЕР ЙӨРТМӘ


«Blind Date with a Book» яки «Китап белән күз бәйләп очрашу» акциясе безгә Европадан кереп килүче бер яңалык.


Мондый акциянең асылы шунда: китапларны тышлыгын күреп булмаслык итеп төрәләр һәм тышына кыскача тасвирлама язалар. «Бөек рус язучысының трилогиясенең беренче китабы» яки «Әйберләрнең тышкы кыяфәте турындагы китап» дип язылган булырга мөмкин. Кибеткә килүчегә китапка тышлыгына карап бәя бирмәскә киңәш итәләр. Аңа төргәк тышлыгындагы саран язуга һәм интуициясенә таянып кына сайларга туры килә.



КҮЗЕ БӘЙЛӘНГӘН КИТАПЛАР - "СМЕНА"ДАkitap_2


Шундый акция Казанга да килеп җитте. "Смена" китап кибетендә бара ул. Әлегә акциядә 20 китап катнаша. Аларның теләсә кайсын 300 сумга сатып алырга була.


Акция һәм ташламалар башланган уңайдан китап кибетендә бәйге игълан иткәннәр.


Җиңүчегә 3 бүләкнең берсе биреләчәк:


- 1 мең сумга китап сатып алыр өчен сертификат;


- «Blind Date with a Book» акциясеннән 3 китап;


- киндер сумка һәм кибеттәге китаплар арасыннан үзең теләгән берсен сайлап алу мөминлеге.


Бәйге 31 октябрьгә кадәр дәвам итә. Тулырак монда: https://vk.com/smena_book?w=wall-62944074_4055


Күңелле очрашу сиңа!

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 17 март 2021 - 10:43
    ИКӘҮ ЭЧМӘГӘН ЧӘЙЛӘР – Әй, Кар кызы! Кая, бир сумкаңны, озатып куйыйм үзеңне! – Артыннан куып җиткән таныш түгел егетнең сүзләреннән Сәмирә башта сискәнеп китте. Ләкин алай да сер бирмәгәндәй кыланды:  – Миңа ерак түгел, монда гына... Мәшәкатьләнмә, Кыш бабай, – диде. 
    1693
    0
    6
  • 21 март 2021 - 10:13
    «МИН – ТЕЛЕФОН КОЛЫ...» «Мин телефонга бәйле. Бу турыда моңа кадәр үк әти-әнием, дусларым әйтә иде инде. Аларны тыңламый, ишетми идем. Хәзер моны үзем дә аңлый башладым. Чыннан да кереп китәм дә, чыга алмыйм. Көнем дә, төнем дә шул телефонда уза. Бу бәйлелектән ничек тә булса арынып буламы?»
    662
    0
    0
  • 17 март 2021 - 13:39
    СЫРЛЫ ШАМПИНЬОННАР РЕЦЕПТЫ Бу гади һәм бик туклыклы ризык. Өстәлдән иң беренче булып аны сыпырталар. Нәрсәләр кирәк була?
    533
    0
    0

Блоглар