КАЗАНДА ӘКИЯТ ТЕРАПИЯСЕ БАШЛАНДЫ

Бүген Казанның Фатыйх Әмирхан урамындагы Балалар китапханәсенә бик күп гадәти булмаган укучылар җыелды. Нәни принцессалар, әти-әниләр, журналистлар, Азнакайдан балалар йортында яшәүче балалар килгән иде монда. Китапханәдә ӘКИЯТ ТЕРАПИЯСЕ дип аталган хәйрия акциясе башланды.



ӘКИЯТ ТЕРАПИЯСЕ әкиятләр яратучылар өчен оештырыла. Монда әкиятне үзең укымыйсың, ә тыңлыйсың. Берүзең генә түгел, ә үзең кебек әкият яратучы дистәләгән кеше белән бергә.

[caption id="attachment_9849" align="aligncenter" width="1180"] Фотода проектның авторы - Планета Гүзәле Рада Кузьмина.[/caption]

ӘКИЯТ ТЕРАПИЯСЕ проектының авторы - Казанда телетапшырулар алып баручы, «Миссис Планета 2016» титулы иясе Рада Кузьмина. Ул үзенең улының әкиятләрне укырга түгел, ә тыңларга яратуына игътибар иткән. Һәм андыйларның тагын күп булуын аңлап, бу проектны оештырган. Бу эштә аңа "Татарстанның нәни принцессалары" фонды ярдәм итә.

Әкиятханә кунаклары

Азнакайдан килгән малайлар һәм кызларга Татарстанның нәни принцессалары Ганс Христиан Андерсенның "Шыксыз үрдәк бәбкәсе" әкиятен укыды. Аларны барысы да игътибар белән тыңлады. Ахырдан сорауларга җавап бирделәр. Ахырда әкият тыңлаучыларны тагын бер сюрприз - "Корстон" күңел ачу комплексында ял итү һәм кино карау көтә иде әле.

[gallery ids="9851,9853,9854,9855,9856,9852"]