КАЗАН КРЕМЛЕНДӘ "ҖАНЛЫ" КҮРГӘЗМӘ

Быел Бөек Ватан сугышында Совет солдатларның җиңүенә 72 ел тула. Бөек Ватан сугышы тарихын без тарих китапларыннан, әби-бабайларыбыз сөйләгәннәрдән генә беләбез. Хәер, алар күргән афәтләрне беркемгә дә күрергә язмасын иде. Татарстанда ул авыр еллардагы тормышны сурәтләгән, моңарчы беркайда да күрелмәгән күргәзмә ачыла.

20 апрельдән башлап 10 майга кадәр Казанда «Жизнь» мультимедиа күргәзмәсе эшләячәк. 1941–1945 елларда Бөек Ватан сугышындагы Җиңүгә багышлана ул.

Аңлатып үтик: әлеге күргәзмә – 40–метрлы махсус экраннан һәм 10 профессиональ кинопроектордан торган заманча мультимедиа системасы. Бөек Ватан сугышы вакыйгалары җанландырылган фотографияләрдә, документаль кадрларда чагыла. Җанга үтеп керә торган музыка, күләмле ут сугыш елларындагы тормышны тоярга мөмкинлек бирә.

2016 елда күргәзмә Чуашия, Удмуртия, Мари Эл республикаларында, Ульян өлкәсендә, Пермь крае, Түбән Новогород өлкәсендә булып өлгергән. Бу чара сугыш турында әле беркем сөйләмәгән кебек сөйләячәк.

Бөек Ватан сугышының төп вакыйглары турындага уникаль кадрларны Казан Кремленең «Манеж» залында күреп була.

Күргәзмәнең эш вакыты: сишәмбе – якшәмбе – 10.00 – 18.00, җомга – 11.00 – 20.00. Дүшәмбе – ял көне. Соңгы сеанс зал ябылырга 40 минут кала башлана.

Күргәзмәгә керү бушлай. Ләкин +7(912)709-55-84  телефоны буенча яки пфо.выставкажизнь.рф сайтында алдан язылырга кирәк.

Проект 2015 елда Киров шәһәрендә ачылды. Проектны нәкъ менә шушы өлкә тормышка ашыра. Татарстанда күргәзмәне оештыруга Республика Хөкүмәте, «Манеж» күргәзмә залы ярдәм күрсәтә.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2521
    0
    15
  • 22 август 2020 - 09:00
    НУРЛАНЫШ БҮЛМӘСЕНДӘ ...Май кояшы җылы нурларын өләшә. Палатаның кечкенә тәрәзәсеннән төшкән саран нурлар Регинаның күзләренә төшеп күзләрен камаштыра, күзләре үзләреннән-үзләре яшьләнеп йомылалар. Яшьләнгән күзләрендәге җан сагышын башкаларга күрсәтмәскә тырышып, стенага борылып ятып, одеялын башыннан үк бөркәнеп куя да уйлар диңгезенә чума яшь ана.
    1994
    0
    8
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    662
    0
    1

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019