«КАНАТЛЫ АТЛАР»

Татарстанның авыл-шәһәрләрендә гөрләтеп сабантуй бәйрәмнәре узып китте. Әрәпәсе, колгалары белән, батырлары, бүләкләре белән хәтергә кереп калган бәйрәм Минзәлә якларында да олылап уздырылды. «Тукта әле, син бит Арча кызы, Минзәләгә ничек барып эләктең,» - дисезме? Гаиләбездә шундый гадәт бар: һәр ел башка бер районның сабан туена китәбез. Быел юлыбыз Минзәләгә илтте. Көне махсус сайлап алынган кебек: кояшлы, җылы иде. Без мәйданга кергәндә, тирә-юнь гөрләп кайнап тора иде инде. Капка янында очрашырга сүз куешып, таралыштык: әти – көрәшкә, апа белән без – сәхнә янына. Энекәшем дә безгә иярде, әлбәттә. Әти күздән югалу белән ул ярышларга катнашырга теләп, чиратка баскан балалар янына йөгерде. Без исә бөтен мәйдан күренеп тора торган урынга утырырга карар бирдек. Барып та җитмәдек, мәйданга атлар керде. Ул ярыш атлары, эһ... Ялларында – чук, тояклары исә җиргә тими дә. Сокланып карап тордык.


Энекәшем Ильясны күздән ычкындырмаска тырышабыз: әнә ул йомырка белән йөгерә, әнә капчык киеп сикерә, әнә колгага менә, имеш... Ике сәгать ничек узганын сизми дә калдык. Әнекәш кочак тутырып бүләк җиңгән. Бергәләшеп әти янына киттек. Абсолют батыр Ренас Калимуллинны бүләкләү мизгеленә эләктек. Аннары әти барыбызга да туңдырма сатып алды да, кайтып киттек.


Әй, күңелле, якты Сабантуй! Елга ун тапкыр килсәң икән! Сагындырып кына йөрисең...009fd659443423dbe216ed3ba81e1a94_L

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 26 сентябрь 2020 - 14:01
    «ДУСТЫМ МӘХӘББӘТ АҢЛАТТЫ» «2 яшькә кечерәк дус егет көтмәгәндә мәхәббәт аңлатты. Без аның белән төрле темаларга рәхәтләнеп сөйләшә алабыз. Бергә күңелле, ләкин мин аны егетем буларак күрмим. Дуслыкны да бозасы килми. Нишләп карарга икән?»
    962
    0
    0
  • 13 октябрь 2020 - 10:20
    ЯНГАН ГОМЕР Уналты чакрым ераклыктагы авылдан үзен соратып килгән Ибраһимга Мөслимә, яше җитеп узып китсә дә, ата-анасының басымы аркасында тормышка чыгарга ризалык бирде. Сайланып торыр урында, егерме биш яшеңдә соратып килүче булган өчен рәхмәт әйт әле! Апаларыннан узып тормышка чыгарга базмыйча, ике сеңлең каңгыраеп утырганын онытма! Хатын аертса ни, тормышта булмый торган хәл түгел! Димәк, хатыны иренә ярап тора белмәгән!
    820
    0
    5
  • 12 октябрь 2020 - 13:35
    РЕЗЕДА ХАБИБУЛЛИНА ШИГЫРЬЛӘРЕ Сагындырды, әнием, кайтам әле, Очрашулар ешрак, күп булсын. Күңелебездә туган рәхмәт хисе Сезгә хөрмәт аша чагылсын.
    401
    0
    2

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019