Логотип Идель
Ялкын

КӨНЧЫГЫШ ҺӘМ КӨНБАТЫШ САНКТ-ПЕТЕРБУРГТА ОЧРАША

Нива елгасында урнашкан иәдәни башкалабызда 17-18 ноябрь көннәрендә «Көнчыгыш һәм Көнбатыш Санкт-Петербургта очраша» дип  аталган халыкара хатын-кызлар конференөиясе узачак.

Менә инде 23 ел дәвамында иҗат шәһәрендә елга бер тапкыр лидер хатын-кызлар, политиклар, алдынгы карашлы иҗатчылар, галимәләр һәм шәхси эшен алып баручы матур затлар туплана. Әлеге чара Санкт-Петербург социаль-экономика институты инициативасы белән тормышка ашырыла. Быелга җыен да шактый истәлекле булырга охшап тора, чөнки бирегә Россиянең бөтен регионнарыннан гына түгел, ә чит илләрдән килүче кунаклар да көтелә икән. Масштаблар елдан-ел арта баруын әйтеп тә тормыйбыз.

Әлеге конференция бүгенге көндә хатын-кызлар тирәлегендә булган проблемаларны чишүгә, ачуга басым ясый. Конструктив әңгәмә нәтиҗәсендә һәр юлы билгеле бер теоретик һәм практик нәтиҗәләргә дә ирешү күзәтелә. Бигрәк тә экономика һәм сәясәт өлкәсендәге дискриминация мәсьәләсе елдан-ел кискенләшә бара. Ләкин якында аның да чишелеше табылачагына инана оештыручылар һәм катнашучылар.

Быелгы конференция түбәндәге мәсьәләләрне яктыртачак:


– Хатын-кыз – «йомшак көч» һәм халык дипломатииясенең әйдәп баручы көче;

– Хатын-кызларның бүгенге кризис вакытындагы торышы;

– Хатын-кыз эшмәкәрләргә ярдәм итүнең инновацион формалары һ.б.

Следите за самым важным и интересным в Telegram-каналеТатмедиа

Нет комментариев