ЙӨРӘГЕМДӘ КАБАТ УРЫН АЛДЫҢ...

Йөрәгемдә кабат урын алдың,

Хисләрем дә гүя яңарды.

Мәхәббәт тә чәчкә кебек язда

Яшәрде дә нурга үрелде.

Синең назларыңны татыр өчен

Өзгәләнеп күңел сулгандыр.

Мең тапкыр гел төшләремдә син

Йолдызлардай, җаным, янгандыр.

Килдең кабат сукмак салып,

Көзләремнән китеп барышым.

Адашыплар сөю хисләремнән

Елга кебек минем агышым.

Алинә Васильева