«ЙОЛДЫЗЛЫ КЕКС»

Ашарга пешерү бер дә гади нәрсә түгел. Интернеттан алдым да пешердем иүгел бу сиңа! Әнинең аш-су китабын ачып карадым: БЕРНИ АҢЛАШЫЛМЫЙ. Ну каян белергә тиеш инде мин 215 ГРАММның күпме булганын?!


Тырыша торгач, үзем өчен идеаль кекс рецепты булдырдым. Ләкин... гафу итсен мине Бөек Ашчыларыбыз, күпме камырны әрәм итеп өлгердем. Мондый чакта тәҗрибәләр белән уртаклаша-уртаклаша гына эшләү мөмкин икән. Әниләр көненә кадәр әле ‒ өч журнал, өч супер рецепт: кул астында булган әйберләрдән, арзан һәм сыналган. Башлыйбызмы, бүген – йолдызлы кекс әзерлибез!
• 3 йомырка, 1 кап май (200 г.), ярты стакан шикәр, 2 алма, 1 стакан он (250 г.), пычак очында гына ванилин, 10 г. камыр кабарта торган катнашма (тәрҗемә итә алмадым, кыскасы, разрыхлитель), махсус кәгазь формалар.1
• Башта онны илибез, өстенә йомыркаларны сытабыз. Алмалар да туралган, аларның өстенә шикәр комы һәм ванилин сибәбез. 2
• Майны суыткычтан ике сәгать алдан алырга онытмагыз. Блендер булса, аның белән туглыйбыз. Ә блендер булмаса, газда эретеп алабыз: кайнап чыгарлык булмасын! Майга алдан әзерләнгән ике ингредиентны кушабыз һәм бик тырышып болгатабыз!3
• Кичә аертылган, ләкин куерып өлгергән каймак кебегрәк камыр килеп чыга. Әгәр теләсәгез, эченә башка җиләк-җимеш тә сала аласыз: аларны соңыннан кушарга кирәк һәм җиңелчә генә болгатырга, юкса, изелеп бетәр! Килеп чыккан камырны кәгазь шәкелләргә яки май белән майланган кекс савытларына куябыз.4
• +200 С һәм духовканы ачмыйбыз! Һич юк!!! 17 минуттан соң гына ачып карарга мөмкин. Өсте кызарган булса, алабыз, эченә шырпы төртеп карыйбыз, төбендәге камыр шырпыга ябышып чыкмаса – булдыргансыз!
• Упс, йолдызларны оныта язганбыз! Пешеп җиткән кекслар өстендә йолдызчык кебек ярылып киткән урыннар булырга тиеш. Кайнар һава шулай чыга ул. Чын кекс йолдызсыз була алмый!
• Әниләр көненә әзерләнәбез, репетицияне әнигә сиздерәсе түгел: энекәшләр-сеңелкәшләр, әби-бабайлар тырышлыгы белән бетерергә! Теләсәгез, югарыда күрсәтелгән ингредиентларның яртысыннан гына пешерегез: 6 кекс килеп чыга!
7
P.S. Әниегезнең ярату-яратмавына карап, кексларның өстенә кайнатылган сгущёнка, шикәр белән кайнатылган бал, крем яга аласыз, дарчин (корица) яки шикәр оны сибәргә дә мөмкин. Тәмле булсын! Киләсе санда кабат аш бүлмәсендә очрашканчы!


Эльвира ҺАДИЕВА фотолары

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 8 гыйнвар 2021 - 17:17
    УРЛАНГАН БӘХЕТ Нишләптер бик кәефсез уянды бүген Ләйлә. Борчылырлык урын да юк кебек, тик күңеле тыныч түгел. Гәрчә, иртәнге кояш нурлары иркәләп, назлап уятса да. 
    815
    0
    4
  • 6 гыйнвар 2021 - 14:13
    ПАНКЕЙК ПЕШЕРҮ РЕЦЕПТЫ Панкейк –Америка белене. Аны сөт белән ясыйлар, коры табада кыздыралар. Алар кабарып, йомшак булып пешә. Иртәнге аш өчен менә дигән ризык инде менә. Гадәттә, аны сироп, арахис мае, джем белән ашыйлар.
    769
    0
    2
  • 3 гыйнвар 2021 - 10:05
    «ДУСЛАРЫМ МИННӘН ЧИТЛӘШТЕ...» «Без сыйныфта 3 кенә кыз. Моңа кадәр гел дус булып, бер-беребезгә ярдәм итешеп укыдык. Быел алар икесе миннән читләште. Тәнәфестә дә гел бергә чыгып китәләр. Мин яннарына килеп утырсам, сөйләшми башлыйлар. Берәр нәрсә сорасам, теләмичә генә җавап бирәләр. Минем дә алар белән дус буласым, аралашасым килә. Нишләргә икән?» Аноним, 15 яшь
    646
    0
    0

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019