ЙОГАТЕРАПИЯ

Авылда җәй бик актив уза инде ул: бакча пластикасы, качкан сыерлар артыннан йөгерү марафоны, авыр капчыклар ташу ярышы һәм башка “кантри спорт төрләре” безне чыныктыра бирә. Озын тырнаклар чыдамаса да, көч арта.


Еллар уза, берни үзгәрми: без дә җиләк җыеп интектек, әниләр дә интеккән, безнең балалар да интегәчәк, әгәр ул вакытка кадәр шәһәргә “качып китмәсәк”. Шәһәрдә бар да башкачарак, әлбәттә. Монда модага карап физик тәрбия аласың. Хәзерге вакытта йогатерапия киң колач җәя. Әлеге популяр булган юнәлеш кешеләрне нәрсә белән үзенә җәлеп итә, тарихы, төрләре һәм балалар белән эшләү өчен кулланыла торган практик күнегүләр турында сөйләшербез.



Йога тарихыннан


Йога Һиндстанда барлыкка килгән дигән гыйбарә яшәп килә. Безнең эрага кадәр 3300-3700нче елларда Инд елгасы янында урнашкан үзәнлектә төшерелгән йога рәсемнәре моны ачык фаразлый. Дөрес, ул вакытта фотография ясап булмаган, барлык рәсемнәрне кулдан төшергәннәр. Бу шактый тырышлык таләп иткән. Вакыт та шактый гына кирәк. Шуңа күрә бары тик бик әһәмиятле эшләрне генә “фотога төшерә” торган булганнар. Йоганың әһәмиятен күрәсезме? Археологик казылмалар Хараппск цивилизация халыклары йоганың күнегүләрен ритуал буларак кулланганнар дигән фикер калдыра.


Ауропа илләрендә исә әлеге юнәлешне беренче булып философ Шопенгауэр өйрәнә башлый. Соңрак 19нчы гасырда Нью-Йоркта Чикаго Конгрессында һинд философы С. Вивекананда йога турында лекциялар оештыра.



Россиядә йога


Безнең илдә исә йога белән 1917нче елга кадәр үк кызыксанганнар дигән хакыйкать бар, ләкин Совет заманы чорында әлеге юнәлеш белән шөгыльләнү тыелган булган. Шуңа күрә, йога үзенең урынын Рәсәйдә бары тик 20нче гасыр ахырында гына таба һәм хэзер генә популярлык казана.


Йоганы сәламәтлекне яхшырту (мәсәлән, арка, буын, умырткалык авыртулары) һәм психологик проблемалардан (стресс, депрессия, начар кәеф) котылудан файдаланалар, шуңа күрә дә аның төрләре һәм формалары бихисап.


Шулай ук балалар йогасын да аерым әйтеп китергә кирәк. Әлеге юнәлеш сын-гәүдә төзлеге, буын, сөяк, мускул җәрәтләрен киметү өчен профилактика формасында кулланалар һәм ул уен рәвешендә үтә.


Ләкин артык бәләкәй яшьтәге балалар өчен һәм авыр күнегүләр белән эш итү киңәш ителми.


Алинә Васильева, Мамадыш районы, Дүсмәт авылы

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 13 июль 2020 - 15:26
    КИЛЕН КЫЗЫМ Өченче улы алып кайткан киленен Хөршидә беренче күрүдән үк ошатмады. Төскә-биткә матур, тыйнак холыклы күренсә дә, кайнана кеше Әлфинурның килешсез якларын гына күрде. Битенә бәреп әйтмәсә дә, кодагые туйга алып килгән чәкчәктән башлап, яшь киленнең нәсел-ыруына хәтле ахирәтләре, күршеләре белән тикшерде.
    2083
    0
    11
  • 30 июль 2020 - 14:54
    КОЕ Кечерәк вакытында ерак әбисе аңа кое турында бер кызганыч хәл турында сөйләгән иде. Әбисе алардан җиде чакрым ераклыктагы авылда яши. Ерак әби исеме дә шуннан алынган. Имеш, кечкенә ятимә кызны үги әнисе кояш баегач коега суга җибәрә. Кайтмыйча озак тора кыз. Үги әни үз кызын кочаклап йоклап китә. Иртән таң суы алырга коега килгән апайлар су өстендә нәни баланың үле гәүдәсенә тап булалар. Шуннан соң бу коедан беркем дә су алмый. Үткән-киткән аннан әлләнинди ят авазлар килгәнен дә ишеткәләгән.
    1596
    0
    13
  • 15 июль 2020 - 17:52
    ГАДИЛЕКНЕҢ ГАЕБЕ БАРМЫ? Айдар Лилияне танымады. Әмма аның сылулыгымы, серле матурлыгымы ирне үзенә әсир итте. Карашында да аңлатып бетергесез нур, яктылык бар төсле. Шул ук вакытта башкалардан әллә ни аерылмый да кебек. Бары тик якын туганың, кадерле кешең кебек кенә нигәдер. Могҗиза диярсең.
    1243
    0
    8

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019