НОЯБРЬ 2025

Көз көне күп кеше төшенкелек белән очраша. Ноябрь саны тышлыгында да без күңел төшенкелегеннән «Ялкын» даруын тәкъдим иттек.

Әлеге санның тематикасы – сәламәт яшәү рәвеше. Без сәламәтлек сүзен башка яктан ачарга тырыштык. Кайчак кеше физик яктан нык түгел, ләкин рухи яктан көчлерәк булырга мөмкин. Ноябрь санында ДЦП, диабет, акне кебек авырулар белән күзгә-күз очрашкан яшүсмерләр белән сөйләштек.

Безнең буынның үзенә генә хас авырулары да бар: стресс, йокысызлыктан интегү, вейплар, СДВГ. «Ялкын» сезгә дусларча бу замана чирләренә кагылышлы киңәшләр дә әзерләде.

Комикс буларак бу санда сине Гыйлаҗиева Камиләнең «Араларга ятларны кертмәгез» исемле хикәясе көтә.

«Тарихлы бит» сәхифәсе исә бу юлы Явыз Иванның Казан ханлыгына яулары турында.