Ялкын

ҖӘЙГЕ КИЧ

автор, 10 июль 2019 - 09:41
347
0
0

Шундый тыныч бездә җәйге кичләр,
Җил дә исми, кояш – баешта.
Тирән күктә йолдыз тәлгәшләре,
Ничек алар бергә оешкан?


Атылалар офыкларны ярып,
Ник йолдызлар шулай сүнәдер?..
Күккә карап җавап тапмак булам,
Белсә, бары Раббым беләдер...


Елга тыныч, әкрен генә ага,
Тал-тирәкләр тыйнак, моңлылар.
Ярый әле, яшәү ямен биргән
Якты кичле туган ягым бар.


Күк йөзеннән ялгыз бер кош оча,
Әкрен генә кага канатын.
И, моңнардан яратылган кошчык,
Кайларда соң синең юл башың?


Төз оча ул, бары алга оча,
Ләкин моңсу, тоя күңелем.
Кошчык миннән ерагайган саен,
Караңгылык били күк йөзен.


Өмет белән җилпе канатыңны,
Оныт, кошчык, ялгыз икәнең.
Шундый уйлар белән күзләп калдым
Кошчыгымның очып үткәнен.


Илмир Вәлиев
июнь, 2015

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Авторизоваться
Осталось символов:
Шәп укыла
  • 13 июль 2020 - 15:26
    КИЛЕН КЫЗЫМ Өченче улы алып кайткан киленен Хөршидә беренче күрүдән үк ошатмады. Төскә-биткә матур, тыйнак холыклы күренсә дә, кайнана кеше Әлфинурның килешсез якларын гына күрде. Битенә бәреп әйтмәсә дә, кодагые туйга алып килгән чәкчәктән башлап, яшь киленнең нәсел-ыруына хәтле ахирәтләре, күршеләре белән тикшерде.
    2083
    0
    11
  • 30 июль 2020 - 14:54
    КОЕ Кечерәк вакытында ерак әбисе аңа кое турында бер кызганыч хәл турында сөйләгән иде. Әбисе алардан җиде чакрым ераклыктагы авылда яши. Ерак әби исеме дә шуннан алынган. Имеш, кечкенә ятимә кызны үги әнисе кояш баегач коега суга җибәрә. Кайтмыйча озак тора кыз. Үги әни үз кызын кочаклап йоклап китә. Иртән таң суы алырга коега килгән апайлар су өстендә нәни баланың үле гәүдәсенә тап булалар. Шуннан соң бу коедан беркем дә су алмый. Үткән-киткән аннан әлләнинди ят авазлар килгәнен дә ишеткәләгән.
    1595
    0
    13
  • 15 июль 2020 - 17:52
    ГАДИЛЕКНЕҢ ГАЕБЕ БАРМЫ? Айдар Лилияне танымады. Әмма аның сылулыгымы, серле матурлыгымы ирне үзенә әсир итте. Карашында да аңлатып бетергесез нур, яктылык бар төсле. Шул ук вакытта башкалардан әллә ни аерылмый да кебек. Бары тик якын туганың, кадерле кешең кебек кенә нигәдер. Могҗиза диярсең.
    1243
    0
    8

Белми калма
Блоглар
Тагын
Фотогалерея
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019
Барлык язмалар
© «Ялкын» журналы, 2019. Гамәлгә куючы - "ТАТМЕДИА" АҖ
Редакция адресы: 420066, Казан, Декабристлар ур., 2нче йорт.
Телефон: +7 (843) 222-06-01
E-mail: yalkin@bk.ru
Баш мөхәррир - Илназ Фаис улы Фазуллин.
Гаммәви матбугат чарасын теркәү турындагы таныклык Элемтә, мәгълүмати технологияләр һәм гаммәви коммуникацияләрне күзәтчелек федераль хезмәте (РОСКОМНАДЗОР) тарафыннан 2016 елның 6нчы декабрендә бирелде.
Таныклыкның номеры — ЭЛ № ФС 77-67938.
Материалларны тулысынча яки өлешчә кулланганда yalkyn.ru сайтына гиперссылка кую мәҗбүри.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла.

Әлеге ресурста 12+ категориясенә карый торган мәгълүмат булырга мөмкин.

Политика о персональных данных в АО "ТАТМЕДИА"

Антикоррупционная политика АО "ТАТМЕДИА"

Коррупция фактлары турында хәбәр итегез: korrupcii_net_fakt@mail.ru
Яндекс.Метрика
12+
Телефон АО «ТАТМЕДИА»: (843) 222 09 84