ИСЛАМ: ЕГЕТ ҺӘМ КЫЗ

Ислам дөньясын аркылыга һәм буйга гизүебезне дәвам итеп, әхлак һәм шәригать күзлегеннән караганда иң әһәмиятле темаларның берсенә килеп җиттек. Кыз һәм егет. Мөнәсәбәтләр нинди була ала?

Дин кешене һәртөрле явызлыктан һәм “яшьлектә грамматик булып, картлыкта драматикка әйләнә торган” хаталардан араларга тырыша. Күпләр исламның мондый роле турында уйланмыйлар да. Дин – иҗтимагый күренеш, Аллаһның әмерләре кешегә һәм аның җәмгыять тормышына турыдан-туры кагыла.

ЧИТ КЕШЕЛӘР


Егет һәм кыз мөнәсәбәтләрендә истә калдырырга кирәк булган беренче үзенчәлек менә нинди: никахта тормаган һәм туган булмаган кыз һәм егет бер-берсенә чит кеше дип санала. Димәк, егет кеше чит кызга кагылудан сакланырга, аны кочаклау, аның белән ялгызы гына калудан тыелырга тиеш.

“Аралашырга да ярамый әллә?” дип уйлаучылар булырга мөмкин. Һичшиксез, аралашу тыелмаган. Һәр эштә урталык сакларга, сабыр булырга һәм әхлакка буйсынырга кирәк. Хат алышасызмы, телефоннан сөйләшәсезме, һәрвакыт һәм һәр урында мөселман кешесе Аллаһының әмерләре турында истә тотсын.

ҺӘРТӨРЛЕ ӘДӘП


Диндә аралашуның үз әдәбе булуы билгеле. Кыз белән егет мөнәсәбәтләрендә бу әдәпләр аеруча актуальләшә. Бер-береңә чиксез хөрмәт белән карау, тупас һәм дорфа сүзләрдән баш тарту һәм чик саклый белү – боларны да истә тоту мөһим.

“Мин сезгә хатын-кызларга карата яхшы булырга, хөрмәт һәм түбәнчелек белән карарга кушам”, - дигән Мөхәммәд с.г.в.

МӘХӘББӘТ ТУРЫНДА БЕР СҮЗ


Шундый хәдис бар: «Иманның ләззәтен өч сыйфатка ия булган кеше татыр: Аллаһны һәм Аның Илчесен барыннан да көчлерәк яраткан, Аллаһ хакына башка кешене сөйгән һәм Аллаһ бер тапкыр кәферлектән арындыргач, утка керергә теләмәгән кебек үк, яңадан гөнаһка кайтырга да теләмәгән кеше».

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 13 июль 2020 - 15:26
    КИЛЕН КЫЗЫМ Өченче улы алып кайткан киленен Хөршидә беренче күрүдән үк ошатмады. Төскә-биткә матур, тыйнак холыклы күренсә дә, кайнана кеше Әлфинурның килешсез якларын гына күрде. Битенә бәреп әйтмәсә дә, кодагые туйга алып килгән чәкчәктән башлап, яшь киленнең нәсел-ыруына хәтле ахирәтләре, күршеләре белән тикшерде.
    2083
    0
    11
  • 30 июль 2020 - 14:54
    КОЕ Кечерәк вакытында ерак әбисе аңа кое турында бер кызганыч хәл турында сөйләгән иде. Әбисе алардан җиде чакрым ераклыктагы авылда яши. Ерак әби исеме дә шуннан алынган. Имеш, кечкенә ятимә кызны үги әнисе кояш баегач коега суга җибәрә. Кайтмыйча озак тора кыз. Үги әни үз кызын кочаклап йоклап китә. Иртән таң суы алырга коега килгән апайлар су өстендә нәни баланың үле гәүдәсенә тап булалар. Шуннан соң бу коедан беркем дә су алмый. Үткән-киткән аннан әлләнинди ят авазлар килгәнен дә ишеткәләгән.
    1596
    0
    13
  • 15 июль 2020 - 17:52
    ГАДИЛЕКНЕҢ ГАЕБЕ БАРМЫ? Айдар Лилияне танымады. Әмма аның сылулыгымы, серле матурлыгымы ирне үзенә әсир итте. Карашында да аңлатып бетергесез нур, яктылык бар төсле. Шул ук вакытта башкалардан әллә ни аерылмый да кебек. Бары тик якын туганың, кадерле кешең кебек кенә нигәдер. Могҗиза диярсең.
    1243
    0
    8

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019