«ИСКЕ КАЗАНДА – МИЛЛИ МОҢНАР» ХӘЙРИЯ ФЕСТИВАЛЕ»

23 августта көндезге икедә Биектау районы Камай авылындагы музей-тыюлыкта «Иске Казанда милли моңнар» хәйрия фестивале узды. Фестивальнең төп максаты яман шеш авыру белән көрәшә торган балаларга һәм "Ярдәм" мәчете каршында эшләп килә торган реабилитацион үзәктә дәвалана торган кешеләргә матди ярдәм күрсәтү.

Фестивальдә иң танылган 30га якын татар җырчылары катнашты: Хамдүнә Тимергалиева, Резедә Шәрәфиева, Гөлдания Хәйруллина, Илшат Вәлиев, Расим Низамов, Дилә Нигматуллина, Алина Шәрипҗанова, Илназ Гарипов, Салават Миңниханов и Гузәлем, Нурзадә, Зәрина Хәсәншина, Гузәл Зиһаншина, Эльмира Сөләйманова, Марсел Вагизов, Энҗе Шәйморзина, Мөнир Рахмаев, Азат и Алсу Фазлыевы һәм башкалар.

Оештыручылар әйтүенчә, концерт билетлары сатудан гына да 140000 сум акча җыелган. Фестивальгә 700дән артык кеше килгән, 600 билет сатылган. Фестиваль вакытында ьыелган акчаларның барысы да Анжела Вавилова һәм "Ярдәм" фондына тапшырылган. Ярминкә вакытында "Ялкын" һәм "Салават күпере" журналлары белән очрашулар, балалар өчен кызыклы уеннар оештырылды.

[gallery size="large" ids="2758,2759,2760,2761"]