ИЛ КИЛӘЧӘГЕН ХӘЛ ИТҮ: 18 ЯКИ 16?

Бүген күпләр үз гомерләрендә беренче тапкыр ил киләчәген хәл итә. Араларында нәкъ менә бүген 18 яшен тутыручылар да бар. Туган көнегез белән, иптәшләр!

Безнең илдә, дөньяның күпчелек илләрендәге кебек үк, сайлау хокукы 18 яшьтән генә бирелә. Психологлар фикеренчә, кеше яшь чакта бик кискен фикерли, хис белән эш итә икән. 2014 елда ЛДПР партиясе депутатлары сайлау хокукын 16 яшьтән бирик дип тәкъдим керткән булган. Ләкин әлегә яшь цензын төшерми торырга булганнар.


Кайбер илләрдә чыннан да мәктәп укучылары да ил киләчәген сайлый ала икән. Бразилия, Куба, Иран, Никарагуа кебек илләрдә, мәсәлән. Аларда 16 яшьлекләр актив рәвештә сайлауларга йөри.

Ә менә Япониядә, киресенчә, яшьләргә хокук бирү белән ашыкмыйлар, 20 яшьтән генә сайлауларга килергә була икән.