"ИҢ ЯХШЫ ӘЙДАМАННАР КАЗАНДА ТӘРБИЯЛӘНӘ"

«Әйдаманнар мәктәбе 2016» ачык дип игълан дип ителде.

27-нче гыйнвар көнне, «Байтик» сәламәтләндерү үзәгендә XV Республикакүләм әйдаманнар осталыгы «Әйдаманнар мәктәбе 2016» бәйгесенең ачылу тантанасы узды.

«Әйдаманнар мәктәбе» «Сәләт»нең җәйге проектлары һәм форумнары өчен әйдаманнар командасы туплау өчен оештырыла. Мәктәптә бу юлы әйдаман булырга теләүче 160 кеше, 20-ләп куратор һәм аланнарның башҗитәкләре катнаша. Алар арасында үткән еллардагылар да, әле күптән түгел генә «Сәләт» йортында яшь әйдаманнар өчен махсус курс үткәннәре дә бар.

Иң беренче эш итеп яшь әйдаманнар башҗитәкләр белән танышып чыкты. Чөнки нәкъ менә аларга шушы 1 атна барышында җәйге аланнары өчен команда җыясы бар. Быелгы «Әйдаманнар мәктәбе»нең программа директоры Элина Степанова. Катнашырга теләк белдереп кабул ителгән гаризалар буенча бу юлы рекорд куелган. «Барлык катнашучыларга да уңышлар телим! Шушы бер атнадан илһам алыгыз, энергия туплагыз! Без сезгә ышанабыз!» - ди Элина.

Ачылу тантанасында «Сәләт» фондының башкарма директоры Тимур абый Сөләйманов та катнашты. «Мин мондый зур чараларда «Сәләт»не икенче гаилә дип атарга яратам. Бүген дә сезнең янга, якыннарым янына килгәндәй, ашкынып килдем. Әйдаман «Сәләт» принципларын белергә, хөрмәт итәргә, сакларга тиеш. Бу – беренчедән. Икенчедән, һәр «Сәләт»легә хас булганча, татар телен дә камил белсен. Өченчедән, төркемендәге, аланындагы һәр бала өчен зур җаваплылык хисе тоюы мөһим. Боларны һәрчак исегездә тотуыгызны һәм смена дәвамыннда бу турыда фикер алышуыгызны сорар идем. Һәммәгезгә дә уңышлар телим! Без бергә, без көчле! «Әйдаманнар мәктәбе»н рәсми рәвештә ачык дип белдерәм!» - дип игълан итте Тимур.

Мәктәпнең беренче киче «Сәләтле сәяхәт» исемле зур, күңелле, иҗади концерт белән тәмамланды. Биредә һәр төркем үз чыгышларын тәкъдим итте. Әлбәттә инде, һәр чыгыш үзенчәлекле, кабатланмас булуы белән аерылып торды.


[gallery columns="2" size="full" ids="6027,6025"]

Иртәгә Мәктәпнең уку-укыту программасы башланып китәчәк. Яшь әйдаманнарны остаханәләр, дәресләр һәм кызыклы очрашулар көтә.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 17 май 2021 - 15:56
    «БЕЗГӘ КҮРЕШЕРГӘ КИРӘК!» Хатлар буенча әзерләнгән котлау тапшыруларын электән дә үз иткән Рәбисә апа аягын сындырып, урын-җир өстенә калгач, бөтенләе белән калдырмый торган булып китте. Берсеннән-берсе матур итеп язылган эчтәлекле хатларны тыңлаганда, кәефнең юк чагы булса да, күңелләре күтәрелеп китә. Бер дә юкка, татлы тел тимер капканы ачар, димәгәннәр. 
    754
    0
    0
  • 22 май 2021 - 11:35
    ЗАМАНЧА СУ АНАСЫ ЯКИ КВАДРОКОПТЕР МАҖАРАСЫ Кәримне Өчиледә барсы да белә иде. Ул алай начар малай түгел. Кайчан карама – теге яки бу эш белән мәшгуль. Укудан кайткач, өйне җыештыра, савыт-сабаны юа. Соңыннан тышка чыгып, малларны карый. Тыштагы эшләрен бетереп керүгә, әнисе дә кайтып җитә.
    698
    0
    1
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    514
    0
    0

Блоглар