ДАНИЛ ПЛУЖНИКОВ: МИН КАЗАННЫ ЯРАТАМ /видео/

Былтыр «Голос. Дети 3» проектында «Два орла» дигән җырны башкарган малайны күпләрегез хәтерлидер. Сочи егете Данил Плужников шушы көннәрдә Казанга чыгыш ясарга килде. «Ялкын» журналы корреспондентына җырчы егет беләна әңгәмә кору бәхете дә тәтеде.
Укый: 8нче сыйныфта, бары тик «5»леләргә

Яраткан дәресләре: рус теле һәм рус әдәбияты

Яраткан җырлары: «Два орла», «Я свободен», «Мама» һәм башкалар

Уйный: синтезаторда

Җиңүләре: Россия Президенты, Николай Островский исемендәге, «Филантроп», Краснодар крае губернаторы, Сочи шәһәре мэры премияләре лауреаты, «Шәһәр исеме» дәрәҗәсе тапшырылган.

– Данил, синең «Голос. Дети 3» проектында жиңеп чыгуыңа да бер ел вакыт узып киткән. Шушы вакыт эчендә тормышың никадәр үзгәрде?

– Шушы проекттан соң минем тормышым бик күпкә үзгәрде. Концертларда чыгыш ясарга чакыра башладылар, минем дөньям кызыклырак була башлады. Беренче чиратта, проект миңа әйтеп бетермәслек тәҗрибә бирде. Ә мондый практиканы башка беркайда да табып булмый.

«Минем өчен тыңлауларны узу иң мөһиме иде»


– «Голос. Дети 3» сине рухи яктан да үзгәрттеме?

– Әйе, миндә үз-үземә ышаныч көче артты.

– «Голос»ка гариза җибәрү кемнең идеясе иде?

– Минем идея иде. Аны һәркем күтәреп алды. Вокал белән профессиональ рәвештә шөгыльләнүемә дә ике генә ел иде, шуңа без бераз курыктык. Чөнки анда чын профессионаллар – «акулалар» бит! Миңа иң мөһиме тыңлауларны («слепые прослушивания») узу иде. Ә аннан соң барысы да үзеннән-үзе барды.



– Тыңлаулар вакытында сәхнәдә басып торганда, сиңа кем борылып карар, дип уйладың?

– Дөресен генә әйткәндә, сәхнәдә басып торганда, күңелне әллә нинди сәер хисләр биләде. Чөнки кемгә җырлаганымны аңлавы бик авыр иде: сиңа арты белән торган кәнәфиләргә җырларгамы, әллә тамашачыгамы, әллә үзеңәме? Мораль яктан кыен булды. Соңгы күплетта миңа кемнең борылачагына инде барыбер иде. Шунда мин бер нәрсәгә дә игътибар итмичә җырлавымны дәвам иттем. Бәлки шул мизгел мине коткаргандыр да.

– Син инде сольный концертлар да бирә башлагансың икән. Алар кайда уза? Бу мөмкинлек проектта җиңү аркасында бирелдеме?

– Гомумән алганда, проектта катнашу тормышымны вакыйгаларга баетты. Әлегә минем бер генә сольный концертым узды. Адлер шәһәрендә оештырылган әлеге тамаша барысы бик яхшы үтте. Тамашачының мине шулай җылы кабул итәр, дип көтмәгән идем дә. Концертым позитив рухта узды. «Голос. Дети 3» проектында өченче урынны алган Таисия Подгорная да минем концертыма ямь өстәп, биш жыр жырлады. Хәзер без программаны яхшырту буенча эшлибез. Эшләребезне тәмамлагач, киләсе концертлар турында да уйлап карарга мөмкин.

– Дима Билан проектта синең остазың иде. Син аның белән хәзер дә элемтәдә торасыңмы?

– Дима – искиткеч кеше. Миңа аның белән эшләү бик ошады. Ул миңа даими рәвештә үзенең киңәшләрен бирә. Алар җырлау, вокалга гына кайтып калмый. Тормыштагы тәҗрибәсе белән дә уртаклаша ул.


«Казан Сочига охшаган»


– Үзеңнең концертларыңны куясың, бүген бер шәһәрдә, иртәгә икенче шәһәрдә чыгыш ясыйсың. Тәүлектә бит 24 сәгать кенә барысына да ничек өлгерәсең?

– Әлбәттә, кайвакытта авыр була инде. Ләкин бу тырышлык бушка китми, чөнки аның нәтиҗәсе күренә.

– Телләрне яраткач, димәк, китап укырга да яратасың.

– Әйе, күп кенә предметларны ярату белем бирә торган укытучыңа да бәйле. Чыннан да, бу предмет буенча укытучым белән укырга да кызыклы, тормыш турында сөйләшергә дә кызыклы. Яраткан жанрларым – детектив һәм фантастика. Шерлок Холмсны бик яратып укыйм.

– Синең иң зур хыялың нинди?

– Артист булу.

– Син бит әле җырлап кына калмыйсың, музыка да язасың…

– Минем шәхси тупланмада ике музыкаль әсәр. Аның беренчесе – «Хыялланырга вакыт» дип аталса, икенчесе – «Уйланулар», дип. Җыр язасы килү теләгем бик көчле. Әлегә бик барып чыкмый. Чөнки миңа рифма белән авыррак.

– Синең өчен музыка нәрсә ул?

– Музыка, гомумән алганда, иҗат – ул минем киләчәгем һәм хәзерге тормышым. Профессиямне дә шушы юнәлеш белән бәйлисем килә. 9нчы сыйныфны тәмамлагач, Мәскәүдәге берәр уку йортына керергә телим.

– Моңа кадәр Казанда булганың бар идеме?

–Белгород, Ярославль, Екатеринбург, Уфада чыгыш ясаганым бар. Казанга икенче тапкыр килүем. Узган юлы килгәндә, шәһәр белән таныштым. Мин Казанны яратам. Ул чисталыгы, заманчалыгы белән бераз Сочига охшаган.

[embed]https://www.youtube.com/watch?v=hZC2ZjiiXhk[/embed]

Алинә МИННЕВӘЛИЕВА

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 26 сентябрь 2020 - 14:01
    «ДУСТЫМ МӘХӘББӘТ АҢЛАТТЫ» «2 яшькә кечерәк дус егет көтмәгәндә мәхәббәт аңлатты. Без аның белән төрле темаларга рәхәтләнеп сөйләшә алабыз. Бергә күңелле, ләкин мин аны егетем буларак күрмим. Дуслыкны да бозасы килми. Нишләп карарга икән?»
    979
    0
    0
  • 13 октябрь 2020 - 10:20
    ЯНГАН ГОМЕР Уналты чакрым ераклыктагы авылдан үзен соратып килгән Ибраһимга Мөслимә, яше җитеп узып китсә дә, ата-анасының басымы аркасында тормышка чыгарга ризалык бирде. Сайланып торыр урында, егерме биш яшеңдә соратып килүче булган өчен рәхмәт әйт әле! Апаларыннан узып тормышка чыгарга базмыйча, ике сеңлең каңгыраеп утырганын онытма! Хатын аертса ни, тормышта булмый торган хәл түгел! Димәк, хатыны иренә ярап тора белмәгән!
    844
    0
    6
  • 12 октябрь 2020 - 13:35
    РЕЗЕДА ХАБИБУЛЛИНА ШИГЫРЬЛӘРЕ Сагындырды, әнием, кайтам әле, Очрашулар ешрак, күп булсын. Күңелебездә туган рәхмәт хисе Сезгә хөрмәт аша чагылсын.
    412
    0
    2

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019