МӘКТӘП КАНИКУЛЛАРЫ КАЙЧАН БАШЛАНА?

2025-2026 елгы мәктәп каникулларының көннәре билгеле булды. Көзге каникуллар инде октябрьдә башланачак. Бу турыда «Челнинские известия» һәм «Интертат» хәбәр итә.

2025/2026 уку елында Россия Мәгариф министрлыгы каникуллар өчен түбәндәге даталарны тәкъдим иткән:

Көзге каникуллар – 2025 елның 25 октябреннән 2 ноябренә кадәр;

Кышкы каникуллар – 2025 елның 31 декабреннән 2026 елның 11 гыйнварына кадәр;

Язгы каникуллар – 2026 елның 28 мартыннан 5 апреленә кадәр;

Җәйге каникуллар – 2026 елның 27 маеннан 31 августына кадәр.

1 нче сыйныф укучылары өчен өстәмә каникул 2026 елның 16-22 февралендә була

Уку елы 2025 елның 1 сентябреннән 2026 елның 26 маена кадәр дәвам итәчәк. 9 нчы һәм 11 нче сыйныфлар өчен уку елы тәмамлану вакыты Дәүләт йомгаклау аттестациясе расписаниесенә туры китереп билгеләнә.

Төбәкләрдә һәм мәктәпләрдә каникулларның төгәл даталары үзгәрергә мөмкин.