«ДӨНЬЯГА ТАНЫЛГАН ПРОГРАММА»

Бик арыганнар, тик шулай да бәхетлеләр — ирекле программада командалар бәйгесендә гамәлдәге Дөнья чемпионы исемен янә саклап калган Россиянең синхрон йөзүче кызларын әнә шул сүзләр белән тасвирларга мөмкин булыр иде. Ник Кейв һәм Уоррен Эллис музыкасына куелган "Мольба" композициясе өчен россиялеләр 98 дән күбрәк балл алдылар. Кытай спортчы кызлары икенче булды, ә бронза медаль японнарга эләкте. Матбугат конференциясендә спортчы кызлар, елмаюлы йөзләрен балкытып, журналистларга үз программаларындагы серләр турында гына түгел, нинди ризыкка өстенлек бирүләре хакында да сөйләделәр.

"Бу ирекле программа белән интегүләребез ниһаять тәмамланганга без бик шат, без аны ел буе, сезон буе куйдык. Бәлки, бу программаны Олимпиадага да калдырырга булыр, ләкин соңгы карарны Татьяна Николаевна кабул итәчәк. Барысы да әйбәт үтте кебек, хөкемдарларның, ниһаять, югары баллар, "унлык"лар куя башлавы бик куандыра, чөнки андый билгеләрнең күп еллардан бирле булганы юк иде. Тренерыбыз Татьяна Покровская һәм без үзебез бик канәгать калдык" — дип бәян итте журналистларга Россиянең "алтын балыгы" Анжелика Тиманина.

Кытай синхрончы кызлары исә сүзне кыска тоттылар:

"Бүген икенче урын алдык һәм без моңа бик бәхетле. Әлеге шатлык хисе бүген үзебезнең бик югары нәтиҗә күрсәтә алуыбыз белән бәйле. Рус командасының хәрәкәтләрен һич кабатларлык түгел, алар искиткеч, һәм ул без өйрәнергә теләгән югары дәрәҗә булып тора", — диде Кытайның синхрончы кызы Гу Сяо.

Япон кызлары Россия кызларының осталыгын һәм профессиональлеген бик гадел бәяләп, аларга мактау сүзләрен әйтеп үтәргә булдылар.

 "Россия командасы, беренче карашка, һәрнәрсәне бик гади, әллә ни көч куймыйча гына башкарган кебек, ләкин чынлыкта аларның программасы бик катлаулы, бу бик зур хезмәт. Алар бик тигез һәм төгәл чыгыш ясый, ә иң мөһиме — элементларны шундый тиз башкаралар, бу таң калдыра", — дип үзенең соклануын белдерде бронза медаль иясе Аика Хакояма.

Программа турында сорауга җавап итеп, Россия синхрон йөзүчесе Влада Чигирева бу программаның тренер белән команда өчен уртак хезмәт нәтиҗәсе булуы, ә идеяләрне төрледән-төрле чыганаклардан алулары турында сөйләп узды.

 "Беренче чиратта, тренер һәм спортчыларның бергәләшеп эшләү нәтиҗәсе икәнлеге турында әйтергә телим. Кемгәдер, бәлки, идея Менделеевныкы кебек, йоклаганда төшенә керә ала, ә кемдер картиналар галереясендә чын сәнгать әсәрен күреп, аның белән бик көчле илһамланырга мөмкин. Ел саен шундый программалар әзерләгәннәре өчен тренерларыбызга бик зур рәхмәт әйтергә телим, аларның фантазиясе чиксез. Чөнки ел саен ниндидер яңа нәрсә табу, чыннан да, авыр хезмәт. Быелгы ирекле программа физик яктан да, эмоциональлек ягыннан да бик катлаулы иде. Безнең образыбыз да катлаулы булды, программа "Мольба" дип атала, ә без хак юлга өндәүче, явыз рухлар белән көрәшергә һәм үз-үзеңдә игелек чаткысы табарга ярдәм итүче фәрештәләр ролен башкардык. Программадагы хис-тойгыларның урынын бик озак тикшердек, аны тиешенчә башкарубызга һәм бөтен дөньяның шундый матур программаны күрә алганлыгына без бик шат. Мактану-шапырыну кебек яңгырар, бәлки, ләкин бу, чыннан да, авыр хезмәт", — дип йомгак ясады спортчы кыз.

Кухня турында да гәп корып алдылар — Россия һәм Кытайның синхрон йөзүче кызлары дөрес туклану принципларын сакларга тырышулары турында белдерделәр, тик кайвакыт үзләренә берәр камыр ризыгы яки тәм-том рөхсәт итүләрен дә яшермәделәр. Ләкин боларның барысының да өйрәнүләр вакытында яндырып бетерелгәнлеген спортчылар ассызыклап әйтеп узды. Ә менә япон кызлары үзләрен бераз иркәләп сыйлап алырга каршы түгел, инде татар ашамлыкларын да татып карарга өлгергәннәр:

"Безгә Универсиада авылындагы ашату бик ошый. Россиядәге иң яраткан ризыгыбыз — бөккәннәр", — диде Инуи Юкико.

Мәгълүмат Су спорт төрләре буенча 16 нчы ФИНА дөнья чемпионаты оештыру комитеты матбугат хезмәтеннән алынды.

Нравится
Комментарии (0)
Осталось символов:
Шәп укыла
  • 22 сентябрь 2019 - 14:14
    ВӘСИЛӘ Күпләр өчен мәктәпнең ямен алып китте Вәсилә апалары. Шул китүеннән башка килә алмады Вәсилә яраткан мәктәбенә. Авыр чир утыз ике яшьлек чибәр хатынны, аяктан яздырып, урынга беркетте. Көннән көнгә сүнә барды Вәсилә, корый барды. Хастаханәдә дә аңардан тиз баш тарттылар. Үзенә берни әйтмәсәләр дә, табиблар Вәсиләнең ире Ниязны ачыктан-ачык кисәттеләр: “Без ярдәм итәрлек түгел...” Бианасы Кәримә карчык киленен им-томлап та карады. Тик Вәсиләне аягыннан еккан авыр чир китәргә килмәгән иде шул. Айлар буе ятты да ятты урында Вәсилә. Берни аңламаган биш яшьлек кызы Ләйлә белән аңардан да кечерәк улы Фәрит кенә: “Әни, тор инде. Кайчан мәктәпкә барасың?”, - дип җанын кыйдылар.
    2267
    1
    29
  • 12 октябрь 2019 - 11:30
    БУШ ЙОРТ Туганыннан артык күреп яраткан күршесе Зөһрә карчык үлеп, өч-дүрт ел үтүгә, аның өен авылның теге башында яшәгән ике балалы, яше утыздан арткан Зөлфәт сатып алгач, ялгызы яшәп яткан Гөлсемнең тынычлыгы югалды. Зөлфәтнең авыл халкына ясаган этлекләрен күреп-ишетеп белгән хатын, яңа күршеләре белән бик якыннан аралашмаса да, йорт-бакчалары терәлеп торгач, алардан качып та яши алмады.
    2002
    0
    15
  • 26 сентябрь 2019 - 15:08
    ПЕРӘ Вәсил бүген дә иртә таңнан, әнисе урыныннан кузгалып кыштыр-мыштыр йөри башлауга ук, йокысыннан торып утырды. Әнә ул инде кичтән үк әзерләп куелган утыннарны мичкә тутырып, ут үрләтеп җибәргән, сыерны савып кереп, сөтен дә сөзеп куйган. Менә хәзер самавырга чиләктән су салыр, торбасына яңа өлгергән кузлы күмерләрне өстәп җибәрер. Мичтә дөрләгән ялкынга, самавыр торбасы «тәрәзәчек»ләреннән күз кыскан кузларга карап утырырга ярата ул. Улының иртәләрен әнә шулай онытылып, утларны күзәтеп утыруын әнисе сизми диярлек. Сизеп тә игътибар итмиме? Комачауламагач, ярый, утырсын инде, ихтыяры, дияме?
    1964
    0
    14
  • 10 октябрь 2019 - 16:48
    ТУКТАЛЫШ “Тизрәк! Тизрәк!..” Кыска гына мизгелгә аңына килгән Айдар үз янында кайнашкан ак халатлы кешеләрнең кем икәнлеген дә, кая ашыкканнарын да аңламыйча, бөтен тәненә таралган кискен авыртудан тагын аңын җуйды... Тукталышта юл аша чыгарга басып торганда килеп бәрелгән машинаны ул хәтерләмәде. Изелгән аякларын бот төбеннән кисәчәкләрен белми иде әле утыз тугыз яшьлек авыл укытучысы...
    1864
    2
    24
  • 13 октябрь 2019 - 16:16
    ТУГАННАР Хәрби хезмәтнең ярты срогын диярлек бер кисәтү-искәрмәсез үтәгән Айратны часть командиры үзенә чакырып алды. “Рядовой Галимов, менә сиңа чираттан тыш ялга приказ. Вакытында килеп җит”,- дип искәртте. Туган өенә кайтып килергә бик өметләнсә дә, егет бу мәсьәлә болай тиз генә чишелер дип көтмәгән иде. Әнә, хезмәткә аннан алда алынган иптәшләренең дә кайберсе әле ялга кайтмаган.
    1642
    1
    34

  • 23 сентябрь 2019 - 15:32
    ЖВАЧКА: "БҮГЕН МИНЕМ ТУГАН КӨН!" Бүген без көненә берәр пачка чәйни торган ЖВАЧКАның туган көне. Аңа ничә яшь дип уйлыйсыз? Ничек уйлап тапканнар? Хәзер беләбез!
    207
    0
    0
  • 27 август 2019 - 11:02
    РОССИЯДӘ ШӘП ФИЛЬМ ТӨШЕРӘ БЕЛӘЛӘР! 27нче август – Россия кинематографиясе көне. Россиядә, Совет чорында төшерелгән фильмнарга карата шикләнеп караучылар шактый, әмма син андыйлардан булсаң, бу язманы ябып куярга ашыкма, чөнки Россия кинематографиясе “Ёлки”, “Притяжение”, “Бабушка лёгкого поведения” ише чүп-чардан гына тормый. Һәм без сиңа блогер Badcomedian фикеренчә иң яхшы 5 рус телле фильм тәкъдим итәбез!
    273
    0
    2
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019