ЧЕРЛИДИНГ БЕЛӘН ШӨГЫЛЬЛӘНЕП КАРА!

Черлидинг турында ишеткәнең бармы? Булмаса, белеп кал: бу - мөстәкыйль спорт төре. Ул үзендә гимнастика, акробатика һәм бию элементларын берләштерә. Черлидинг белән шөгыльләнүчеләрне черлидерлар дип йөртәләр.

---

Кайда: Кремль яр буенда

Кайчан: 4 августта, 16.00 сәгатьтә

Катнашу: бушлай

Бу спорт төренә гашыйклар Казанда да бар. Өстәвенә, алар сине дә аңа гашыйк итәргә ниятли һәм чын черлидингның нәрсә икәнен күрсәтер өчен һәр пәнҗешәмбе Кремль яр буенда ачык һавада күнегүләр оештыра.

Тормышыңа яңалык җитми дип уйласаң, өстәмә энергия чыганагы табарга һәм яңа дуслар булдырырга теләсәң, черлидинг белән шөгыльләнеп кара!