ЧАЛЛЫ ЕГЕТЛӘРЕ - РОССИЯДӘ БЕРЕНЧЕ!





Алар каратэга җаны-тәне белән гашыйк! 13 ел дәвамында бу спорт төре белән шөгыльләнгән егетләр турында шулай дими, ни дисең. Чаллыда яшәүче абыйлы-энеле Усмановлар каратэ буенча Бөтенроссия ярышларында Татарстан данын яклаган. Новочебоксарск шәһәрендә узган ярышларда егетләр сынатмый. 19 яшьлек Галәэтдин беренче урынны яуласа, ике яшькә кечерәк Камалетдин дә калышмый – икенче урынны ала.


Егетләр кечкенәдән балалар-яшүсмерләр спорт мәктәбенә йөри. Усмановлар каратэның иң авыр төре – ката белән шөгыльләнә. Шуңа да бу төр буенча Россиядә иң яхшы унлыкка эләгү дә зур дәрәҗә булып санала. Мәскәү, Санкт-Петербург, Чиләбе, Донецк шәһәрләре – егетләрнең төп көндәшләре шушы шәһәр спортчылары була. Шулай булса да, егетләр үзләренең яшь төркемнәрендә лаеклы дәрәҗәдә чыгыш ясый.


Геннадий Бубнов, егетләрнең тренерлары:


– Галәэтдин каратэ буенча Татарстандагы иң көчле спортчыларның берсе санала. Шуңа да без ярышларга барыр алдыннан бары тик җиңү максатын куйдык. Ул лаеклы дәрәжәдә чыгыш ясады. Камалетдин хәзерге вакытта – әзерлек формасында. Шуңа да бу ярышларда катнашу аның өчен психологик этап булды.



Камалетдин белән Галәэтдинның күнекмәләре көн саен уза. Егетләрнең ял көне юк диярлек, чөнки ял саен ярышлар, жыеннар (сборы) уза. Каратэ алар өчен спорт төре түгел, ә тормыш рәвеше булып тора. Инде 6 яшьтән бирле каратэ белән шөгыльләнгән Усмановларга бу спорт төре тормышларының бер өлешенә әйләнгән.


«Гомумән алганда, каратэ һәрьяклап булыша. Дисциплинага өйрәтә, стресслардан, тормыштагы авыр ситуацияләрдән чыграга булыша. Һәм, әлбәттә инде, сәламәт тормыш рәвеше алып барырга булыша. Каратэ белән гомер буе шөгыльләнәләр», – ди егетләрнең тренерлары.


Егетләр Бөтенроссия ярышларына ике ай дәвамында әзерләнгән. Аена – ким дигәндә, бер-ике турнирда катнашу алар өчен гадәти хәл. Якын арада Усмановларны тагын берничә ярыш көтә. Анападагы Бөтенроссия Сугыш сәнгате уеннары, Россия беренчелегенә һәм чемпионатына параллель рәвештә әзерләнә. Усмановларга Татарстанга тагын да күбрәк җиңүләр алып кайтуларын телибез!



Алинә Минневәлиева






Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2491
    0
    15
  • 22 август 2020 - 09:00
    НУРЛАНЫШ БҮЛМӘСЕНДӘ ...Май кояшы җылы нурларын өләшә. Палатаның кечкенә тәрәзәсеннән төшкән саран нурлар Регинаның күзләренә төшеп күзләрен камаштыра, күзләре үзләреннән-үзләре яшьләнеп йомылалар. Яшьләнгән күзләрендәге җан сагышын башкаларга күрсәтмәскә тырышып, стенага борылып ятып, одеялын башыннан үк бөркәнеп куя да уйлар диңгезенә чума яшь ана.
    1973
    0
    8
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    616
    0
    1

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019