«БЕЗНЕ ӨЙДӘ КӨТӘЛӘР!»

Син кайда? Кайчан кайтасың? Бу сорауларга безнең һәрберебез көненә берничә тапкыр җавап бирәдер. Димәк, без бәхетлеләр. Безне өйдә борчылып көтеп торучы якыннарыбыз бар. Ә алар азрак борчылсын, кайдалыгыбызны белеп торсыннар өчен, без бүген махсус сәгать ясарбыз.

  1. Мондый сәгать өчен һәр өйдә дә була торган әйберләр генә кирәк: 20х20 см калынрак катыргы кисәге, шул ук зурлыктагы обой яисә рәсемле кәгазь бите, циркуль яисә әйләнә, ак катыргы битләре, маркер, ике яклы скотч, иске будильник механизмы, җилем.

  2. Башта калын катыргыга сәгатьнең нигезен − әйләнә (яисә күңелегезгә хуш килердәй башка фигура) сызабыз, ул сез үзегез теләгән зурлыкта булырга мөмкин. Безнең очракта әйләнә радиусы 10смдан артмады.

  3. Сызган эз буенча катыргыдан әйләнәне кисеп алабыз.

  4. Обой битеннән дә шул ук зурлыктагы әйләнә киселә.

  5. Хәзер инде рәсемле әйләнәне катыргы әйләнәгә ябыштырабыз.

  6. Киләсе эш итеп, иртәгәге көнегезне күздән кичерегез. Көн планында нинди вакыйгалар бар? Сез кайсы вакытта кайда булачаксыз? Бу сорауларга җавап биргәннән соң, эшкә тотынырга да була. Без сәгатьнең «циферблат»ын ясаячакбыз. Моның өчен киләсе көннең һәр пунктын бер рәсем яисә сүз белән тасвирларга кирәк. Бу рәсемнәрне катырак кәгазьгә ясау яхшы.

  7. Инде рәсемнәрне кисеп алып, сәгать нигезенә урнаштырыйк: бию түгәрәге өчтә икән, аны 3 саны урынына, биштәге музыка дәресен биш саны урынына куябыз. «Циферблат»ны нигезгә беркеткәндә, ике яклы скотч куллану җайлы – теләгәндә, рәсем-язуларны алыштырып та куеп булачак.

  8. Шул ук ак катыргыдан сәгать телләре дә киселә.

  9. Нигезнең уртасына тишек ясыбыз да, сәгать механизмын беркетәбез. Ныклырак булсын дисәгез, аны нигезгә «Момент» җилеме белән ябыштырып та куярга мөмкин.

  10. Хәзер инде сәгать телләрен генә урнаштырасы калды. Алар сәгать механизмының алгы якта чыгып калган тел ояларына утыртыла: сәгатьләрне саный торганы иң аста кала, аның өстенә минут, аннары секунд теле берегә.

  11. Сәгать әзер! Элеп куяр урынны якыннарыгыз белән бергәләп сайлагыз. Борчусыз көннәр сезгә!

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 3 февраль 2020 - 09:47
    КОШЛАР КЫШЫН ДА САЙРЫЙ Гөлбәһия ахшам намазыннан соң озак юанмыйча, урын-ястыкларын актара башлады. Бүген иртәдән бирле, кунак киләсе бар кебек, авырайтып торды. Көннең кисәк кенә үзгәрүенең халәткә тәэсиреме?! Шулай дип уйлап та бетермәде, ишек кыңгыравы чыңлады. Ул мендәрен кочаклаган килеш тынып калды.
    2788
    3
    30
  • 22 гыйнвар 2020 - 10:17
    ИКЕ УЛЫМ Фидаилның хәле чыннан да бик кызганыч иде. Кырык ике яшендәге сөлектәй ир эчәгенә ясаткан операциядән соң беткән, ябыккан иде. Өч ай буена урында ятып как сөяккә калган иде. Ракка каршы табиблар да көчсез шул. Алар бу явыз чирне дәвалый алмый, бары тик булдыра алганча, авыруның санлы гына елларын, айларын озайтырга тырыша.
    2298
    2
    30
  • 5 февраль 2020 - 16:42
    МИЛӘШ АЧЫСЫ Ашыкмый шул Сәвия әби: өйдә көтеп утырган кешесе, умырып эшләрдәй эше юк. Ялларда балалары килгәч, җыештырып, ашарына әзерләп китәләр. Балалары күпме генә үзләренә чакырсалар да, алар янына китеп яшисе килми аның.
    1747
    2
    32

Блоглар
  • 19 февраль 2020 - 10:46
    2020 ЕЛДА ЯЗ-ҖӘЙ ТРЕНДЛАРЫ!
    Сәлам! Мин – Галия, стилист. «Ялкын»да үз шәхси рубрикамны ачып җибәрәм һәм бирегә мода белән кызыксынган, һәрвакыт зәвыклы, матур булырга омтылучы үсмерләр һәм яшьләрне чакырам.
    Галия Сафина
    29
    0
    0
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019