БЕЗНЕ ЧИТТӘН КҮЗӘТӘЛӘР

Безнең илдәге сайлау ул - чит илдән кунаклар килүгә бер сәбәп тә. Бүген көне буе төрле илләрдән килгән 300000 вәкил сайлау барышын күзәтәләр. Бар да тәртип белән барамы, хокук бозулар юкмы - берсе дә кунакларның игътибарыннан читтә калмый.

Мәктәпләрегез бигрәк матур


[caption id="attachment_10060" align="alignleft" width="300"]күзәтәләр 2 Тофик Бабаев фотосы.[/caption]

Азәрбайҗаннан килгән кунакларыбыз, мәсәлән, безне 3 көн күзәтәләр икән инде. Бүген Питрәч районында булганнар. Барысы да бездә электрон сайлау мөмкинлеге булуга бик куанганнар икән, хокук бозулар алай иткән очракта булмый бит, диләр. Алга таба бөтен җирдә дә шундый мөмкинлек булдырырга тәкъдим итәләр.

Татарстан сайлау участокларына бик сокланганнар, аларның күбесе мәктәпләрдә урнашканга, безнең укучылар бик рәхәт яши икән дигән нәтиҗәгә килгәннәр. Шулай шул! Яшьләребез дә бик теләп тавыш биргән алар барган участокларда. Россиянең гөрләп үсүен теләп калабыз дип саубуллашты алар.

Без сезнең тәҗрибәгә таянырбыз


Әрмән иленнән һәм Болгариядән килеп тә күзәтәләр икән безне. Яшел Үзән, Питрәч, Балык Бистәсе районнарында булганнар. Халык бәйрәмгә килгәндәй бара сайларга сездә, безне дә бик җылы кабул иттеләр, ди кунакларыбыз. Ә электрон рәвештә тавыш бирә алуыгыз ул - киләчәккә тагын бер адым инде. Киләчәктә без дә электрон сайлау кертергә җыенабыз, сезнең тәҗрибәгезгә таянырбыз инде, - дип тәмамлады сүзен Әрмән иленнән килгән кунак.

Үзебезнекеләрдән кемнәр?


күзәтәләр 1

Бездә "Чиста сайлау өчен" күзәтүчеләр корпусы бар. Анда кемнәр керә дисезме? Үзебезнең юрист-студентлар икән. Аларны сайлауларга кадәр 3 ай алдан өйрәтә башлаганнар. Сайлау участогында нинди хәл булырга мөмкин - шуларны уеннар рәвешендә тәкъдим иткәннәр студентларга. Ә бүген менә Татарстанның зур шәһәрләренә җибәргәннәр. Укытулары бушка китмәгән: алар бер участокны хокук бозудан саклап калган. Начар күрә торган бер абый сайларга килгән монда һәм оештыручылардан ярдәм сораган. Шул вакыт аның янында низаг чыгаручы берәү пәйда булган. Ләкин аны "Чиста сайлау өчен" корпусы күзәтүчеләре күреп алган.

Татарстанда тавыш бирү үзенчәлекләре


- Татарстанда тавыш бирүчеләр күп булды. Сайлау тәмамлануга 2 сәгать кала безнекеләрнең 70%ы тавыш биргән иде. Бу халыкның Республиканы яратуына һәм икътисад үсешенә бәйле.  
- Татарстанда сайлау тыныч уза. Бу сайлаучыларның тәртипле һәм укымышлы булуы турында сөйли.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 15 июнь 2020 - 16:58
    КАРЛЫГАННАР ӨЛГЕРГӘН ЧАК Бакчада кара карлыганнар өлгерде. Кара төннең үзеннән дә кара карлыганнар. Татлы да үзе, әчкелтем дә. Табигатьтә гел шулай: иң бәрәкәтле, иң шифалы сые – әче җимешендә...  
    1445
    0
    12
  • 19 июнь 2020 - 16:49
    КЕШЕ КҮҢЕЛЕ – КАРА УРМАН (ХИКӘЯ) Рәгинә иртән эшкә барганда да, кичтән кайтканда да ике тукталыш арасын, гадәттә җәяүләп үтә. Кышын буранга, язын челләгә, язлы-көзле коеп яуган яңгырларга карамый, җәяүләп атлый. Бүген дә шулай итмәкче иде. Төнлә явып үткән яңгырдан соң сафланып, төсләре ачыкланып калган иртәнге кала урамнарына хозурланып баруга ни җитә!
    1265
    1
    8
  • 26 июнь 2020 - 10:30
    ЯШЬЛЕК ХАТАСЫ Лаеклы ялга чыгуына ике ел үтсә дә, Энҗе, һаман эшкә барасы булган кебек, һәр көн ашкынып иртә таңнан тора. Ничектер, көтеп алган лаеклы ялда үз җаена, салмак-тыныч кына яшәргә өйрәнеп китә алмый әле хатын. Башта бер-ике тапкыр, тиз-тиз киенеп, эшенә чыгып киткән чаклары да булган иде. Ишек төбенә барып җитеп, ире Расих туктаткач кына ушына килә иде элекке шәфкать туташы.
    1127
    0
    16

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019