«БЕЗ НИЧЕК ЖУРНАЛИСТ БУЛДЫК... »

«Иске Казан» фестивале кысаларында Болгар ханлыгының элекке чик буе ныгытма җирлегендә Республиканың иң сәләтле балалары җыелды. 21 август көнендә “Сәләт”нең укучылар һәм студентлар клубы әгъзалары, «Шәхес» аланындагы бер төркем бала “Йолдызлык”тан махсус килделәр.

Безнең өчен сәләтле һәм хөрмәтле шәхесләрне чакырып, кызыклы мастер-класслар әзерләгән иделәр. Мәсәлән, журналистика буенча мастер-классны “Шәһри Казан” газетасы журналисты Линар абый Закиров һәм “Ялкын” журналы журналисты Айгөл апа Абдрахманова үткәрделәр.

Дөрес, журналист һөнәре белән әллә ни кызыксынучылар табылмады. Ләкин Линар абый Закиров аптырап калмады, очрашуны пресс-конференция форматында дәвам итәргә тәкъдим итте. Без килештек. “Шәхес” аланы сәлкеше Лейла М.ны спикер итеп сайладылар. Ул үзенә “Голос” проектыннан кайткан  рок-йолдыз образын сайлады. Аңа төрле-төрле сораулар бирә башладылар, сәхнә костюмы турында да, яраткан эчемлеге турында да белергә теләделәр. Ә иң яраткан сорау “журналистларда” чәч турында булды. Нишләп, дисезме? Чөнки Лейланың чәч төсе типик түгел. Шәмәхә аның чәзләре!

“Ә әниең ничек ризалык бирде?” - дип кызыксындык без. Әнисе гаҗәпләнгән, ләкин кызына сайлау хакукы биргән икән. Баксаң, бу инде беренче генә үзгәреш түгел икән Лейланың чәч тарихында. Ул чәч төсен җиде мәртәбә алыштырган. “Ә чын төсе нинди иде?” - дип сорамый булдыра алмадык. Коңгырт булган икән.

“Киләчәктә нинди төс сайларсың икән?” - дип фаразлый башладык. Әмма бу сер булып калды. Ә нәрсә, заманы шундый, кыюлык һәм неординар уйлар шәһәрләрне яулап ала. Без Ләйләгә тагын да күбрәк кыюлык һәм креатив идеяләр теләп калабыз.

Һәм бик зур рәхмәт Линар абый белән Айгөл апага шундый шәп  мастер-класс үткәргәннәре өчен. Сәлкешләр канәгать калдылар.

[gallery size="large" ids="2689,2688,2687,2686,2679,2678,2691"]

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2507
    0
    15
  • 22 август 2020 - 09:00
    НУРЛАНЫШ БҮЛМӘСЕНДӘ ...Май кояшы җылы нурларын өләшә. Палатаның кечкенә тәрәзәсеннән төшкән саран нурлар Регинаның күзләренә төшеп күзләрен камаштыра, күзләре үзләреннән-үзләре яшьләнеп йомылалар. Яшьләнгән күзләрендәге җан сагышын башкаларга күрсәтмәскә тырышып, стенага борылып ятып, одеялын башыннан үк бөркәнеп куя да уйлар диңгезенә чума яшь ана.
    1982
    0
    8
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    642
    0
    1

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019