«БЕРКЕМ ДӘ ОНЫТЫЛМЫЙ!»

Туган өен белмәгән


Туган авылын белерме?


Туган авылын белмәгән


Туган илен белерме?


Дөрестән дә, һәркем үз туган ягын һәм аның күренекле кешеләре турында белергә тиеш. “Үткәнен оныткан халыкның киләчәге юк”, - диләр бит. Һәрбер кешенең үз яшәү тарихы, үз язмышы бар. Тамырларың – туганнарың, әби-бабайларың турында яңа мәгълуматтан хәбәрдар булу бик кызык. Әмма иң кызыгы – бөек шәхесләр, геройлар – Бөек Ватан сугышында катнашучылар турында белү. Әлеге кешеләр – чын мәгънәсендә каһарманнар, курку белмәс, Ватаннарына тугры булып калган кешеләр. Аларның күпчелеге яу кырыннан әйләнеп кайтмаган.


Сугыш һәрбер йортның диярлек бусагасын атлап кергән һәм иң якыннарының гомерен өзгән. Безнең Татарстаннан гына да фашизмга каршы сугышка 700 меңнән артык кеше киткән. Шуларның яртысы диярлек туган нигезләренә әйләнеп кайтмаган. Әниләр - улларын, ирләрен, кызлар - сөйгән ярларын, балалар аталарын югалткан. Шуңа күрә, 9 Май - Җиңү көне ветераннарыбыз өчен шатлыклы да, бер үк вакытта моңсу да бәйрәм.


Шулай ук, Бөек Җиңү диюгә, күз алдыбызга бөек шагыйребез Муса Җәлил килеп баса. Патриот шагыйребез үзенең бөтен көчен Туган илебезгә тынычлык китерүгә юнәлткән шәхесләребезнең берсе булып тора. Без кечкенәдән аның туган ил, фашизмга нәфрәт, сугыш темасына язылган шигырьләрен укып беләбез. Муса Җәлилнең батырлыгына, геройлыгына сокланабыз.


Бөек Җиңүнең әһәмияте һәм мәгънәсе турында бик күп фәнни хезмәтләр, әсәрләр, пьесалар, шигырьләр дә иҗат ителде. Халкыбызның батыр улларының сугыш кырында күрсәткән батырлыклары турында күп язылды.


Бу җирдә күп булды сугышлар,


Янгыннар, явымнар, давыллар,


Киселде күп батыр тормышлар,


Янды зур калалар, авыллар.


Ил өчен барды бу зур көрәш,


Давыллы, дарылы елларда.


Сеңде бу туфракка күпме яшь,


Күпме кан тамды бу кырларга.


Шул каннар һәм яшьләр аркылы,


Ил бөек җинүгә иреште.


Яз килде; дулкынлы, ялкынлы,


Чәчәккә төренде җир өсте.


( Муса Җәлил “Чәчәкләр”)


Безгә Бөек Ватан сугышындагы батырлыклар турында тыңларга бик кызык, әмма ветераннарга авыр фронт елларын искә алу җиңел түгел. Ветераннарның истәлекләре күңелләребезгә үтеп керә, һәм шуңа күрә без җирдә иң кадерле нәрсә – Тынычлык икәнен белеп яшибез. Безнең буынның якты киләчәге өчен көрәшкән батырларның исемнәрен мәңге хәтердә сакларга тиешбез.


Сугыш, мина тавышы!.. Бу сүзләр һәркемнең күңелен тетрәндерә. Бөек Җиңүгә 71 ел үтүгә карамастан, дәһшәтле вакыйгаларга бай булган сугыш әле дә йөрәкләрне телгәли. Сабыйларның күз яше, аналарның йөрәк әрнүләре, якыннарыңны югалту, үлем хәбәрләре – болар барысы мәңгегә ветераннарның күңелләренә уелып калган... Юк, пар күгәрченнәрнең йөрәкләрен, меңләгән гомерләрне өзүче афәтне онытып булмый. Беркем дә, бернәрсә дә онытылмый!


Шулай итеп, без күп корбаннар бәрабәренә яулап алынган бүгенге тормышның кадерен белергә, Ватаныбызны яратырга, сугышның бар авырлыгын үз җилкәсендә күтәргән ветераннарыбызны хөрмәт итәргә, аларга кирәк чакта ярдәм итә белергә тиешбез. Дан һәм хөрмәт сезгә, хөрмәтле ветераннар!


Картаймагыз әле, ветераннар,


Европаны саклап калган ирләр;


Хәтерлиләр, сезне данлы юллар,


Хәтерлиләр, сезне азат илләр ...

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 8 гыйнвар 2021 - 17:17
    УРЛАНГАН БӘХЕТ Нишләптер бик кәефсез уянды бүген Ләйлә. Борчылырлык урын да юк кебек, тик күңеле тыныч түгел. Гәрчә, иртәнге кояш нурлары иркәләп, назлап уятса да. 
    1125
    0
    4
  • 3 гыйнвар 2021 - 10:05
    «ДУСЛАРЫМ МИННӘН ЧИТЛӘШТЕ...» «Без сыйныфта 3 кенә кыз. Моңа кадәр гел дус булып, бер-беребезгә ярдәм итешеп укыдык. Быел алар икесе миннән читләште. Тәнәфестә дә гел бергә чыгып китәләр. Мин яннарына килеп утырсам, сөйләшми башлыйлар. Берәр нәрсә сорасам, теләмичә генә җавап бирәләр. Минем дә алар белән дус буласым, аралашасым килә. Нишләргә икән?» Аноним, 15 яшь
    912
    0
    0
  • 6 гыйнвар 2021 - 14:13
    ПАНКЕЙК ПЕШЕРҮ РЕЦЕПТЫ Панкейк –Америка белене. Аны сөт белән ясыйлар, коры табада кыздыралар. Алар кабарып, йомшак булып пешә. Иртәнге аш өчен менә дигән ризык инде менә. Гадәттә, аны сироп, арахис мае, джем белән ашыйлар.
    843
    0
    2

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019