БДИ-2017: РАСПИСАНИЕ

Быел мәктәп укучылары дәүләт йомгаклау имтиханнарын өч этапта тапшыра алачак: вакытыннан алда, төп һәм өстәмә вакытта.

БДИны вакытыннан алда тапшыру этабы 23 марттан 14 апрельгә кадәр үтә. Өстәмә этап 5-16 сентябрь көннәрендә уза. Имтиханны вакытыннан алда тапшыру этабында катнашучыларның имтихан нәтиҗәләре күпчелек югары уку йортларына кергәндә мөһим роль уйный. Имтиханны вакытыннан алда тапшыруда резерв көннәр нигезле сәбәп аркасында әлеге этапның төп көннәрендә сынауны бирә алмаучылар өчен кирәк. Мисал өчен, кеше авырып китсә яки расписаниедә ике имтиханны тапшыру вакыты бергә туры килсә.

Төп этап исә 29 майдан 1 июльгә кадәр узачак. Төп этапта күпчелек мәҗбүри фән – рус телен тапшыра. Укучы үз теләге белән сайлаган фәннәр арасында җәмгыять белеме, физика, биология һәм инглиз теле популяр. Ике мәҗбүри фән (рус теле һәм математика) буенча нәтиҗәләре канәгатьләндерерлек булмаган, мәктәпне быел тәмамлаган егетләр-кызлар рус теле һәм база дәрәҗәдәге математика буенча БДИны өстәмә этапта – 5-16 сентябрь көннәрендә тапшыру мөмкинлегенә ия.

Химия, биология һәм физика имтиханнарында җавапларның әзер вариантлары булган биремнәр азайтылды. Бу – уйламыйча гына җавап бирүдән котылу өчен эшләнә. Тора-бара җавапның әзер вариантын сайлауны күздә тоткан мондый биремнәр бөтенләй юкка чыгачак. БДИда катнашучыларга имтиханга үзләрен белән бары тик каләм, су һәм шоколад алып керергә рөхсәт ителә.

2017 елда БДИ тапшыру көннәре


Вакытыннан алда тапшыру этабы:
23 март - география, информатика һәм мәгълүмати-коммуникацион технологияләр;
27 март - рус теле;
29 март - тарих, химия;
31 март - математика Б, П;
3 апрель - чит телләр (телдән);
5 апрель - чит телләр, биология, физика;
7 апрель - җәмгыять белеме, әдәбият.

Резерв көннәр:
10 апрель - география, химия, информатика һәм мәгълүмати-коммуникацион технологияләр, чит телләр (телдән), тарих;
12 апрель - чит телләр, әдәбият, физика, җәмгыять белеме, биология;
14 апрель - рус теле, математика Б, П.

Төп этап:
29 май - география, информатика һәм мәгълүмати-коммуникацион технологияләр;
31 май - математика Б;
2 июнь - математика П;
5 июнь - җәмгыять белеме;
7 июнь - физика, әдәбият;
9 июнь - рус теле;
13 июнь - чит телләр, биология;
15 июнь - чит телләр (телдән);
16 июнь - чит телләр (телдән);
19 июнь - химия, тарих.

Резерв көннәр:
20 июнь - география, информатика һәм мәгълүмати-коммуникацион технологияләр;
21 июнь - әдәбият, химия, физика, җәмгыять белеме;
22 июнь - биология, тарих, чит телләр;
23 июнь - чит телләр;
28 июнь - математика Б, П;
29 июнь - рус теле;
1 июль - барлык фәннәр буенча.

Өстәмә этап (сентябрь):
5 сентябрь - рус теле;
8 сентябрь - математика Б.

Резерв көннәр:
16 сентябрь - математика Б, рус теле.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2491
    0
    15
  • 20 август 2020 - 16:57
    ЯЗМЫШЛАРНЫ САЙЛАП АЛМЫЙЛАР Энҗе, әнисе күрмиме икән, дип, курка-өркә өйләре ягына карап торды да, тиз генә мунчага кереп китте. Пычранган күлмәген мунча алдында салды да, эчкә кереп, салкынча суда нәни куллары белән ышкып-ышкып юарга тотынды. Эскәмиядә яткан хуш исле кул сабынын тидерде. Итәк очындагы таплар бетмәгәч, кырыйда торган кер тактасына салып тырышып-тырышып ышкырга кереште. Урам аша гына яшәгән күрше әби оялтты аны бүген.
    2325
    0
    13
  • 22 август 2020 - 09:00
    НУРЛАНЫШ БҮЛМӘСЕНДӘ ...Май кояшы җылы нурларын өләшә. Палатаның кечкенә тәрәзәсеннән төшкән саран нурлар Регинаның күзләренә төшеп күзләрен камаштыра, күзләре үзләреннән-үзләре яшьләнеп йомылалар. Яшьләнгән күзләрендәге җан сагышын башкаларга күрсәтмәскә тырышып, стенага борылып ятып, одеялын башыннан үк бөркәнеп куя да уйлар диңгезенә чума яшь ана.
    1972
    0
    8

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019