«БАР УЕМ КИЧЕН-КӨНДЕЗЕН СЕЗНЕҢ ХАКТА, МИЛЛӘТЕМ...»

7 апрель 14.00 сәгатьтә Габдулла Тукай әдәби музееның әдәби салонында Россия рәссамнар берлегенең Татарстандагы оешмасы катнашында “Бар уем кичен-көндезен сезнең хакта, милләтем...” дип исемләнгән күргәзмә ачыла.


Соңгы елларда музейда талантлы рәссамнарыбызның әсәрләреннән шактый гына күргәзмәләр оештырылды. Алар арасында Габдулла Тукайның күңел халәтен бирә торган “Көзге мизгелләр”, шагыйрьнең замандашларын һәм яшәгән мөһитен күрсәтүче “Тукай йолдызлыгы”, әкиятләре буенча эшләнгән “Тукай дөньясы”, Бөек Ватан сугышы чорын чагылдырган “Без сугышта юлбарыстан көчлебез...” дип исемләнгәннәре бар. Күргәзмәләр ТР Милли музей фондында, шәхси коллекцияләрдә саклана торган әсәрләрдән төзелә.


Чираттагы күргәзмә татар халкының бөек шагыйре Г. Тукайның 130-еллыгы уңаеннан оештырыла. Россия рәссамнар берлегенең Татарстандагы оешмасы белән берлектә төзелгән бу күргәзмәдә яше һәм яшәгән урыны, иҗади карашы, башкару ысулы төрле булган осталар катнаша.


Күргәзмәне атказанган сәнгать эшлеклесе Р. Мингазовның (Чистай шәһәре) графика жанрында эшләнгән Габдулла Тукай портреты ачып җибәрә. Г.Капитовның (Түбән-Кама шәһәре) «Шүрәле» графикасы, китап графикасы осталары, ТРның атказанган атказанган сәнгать эшлеклесе А.Тимергалинаның һәм С.Ибраһимованың эшләре шагыйрьнең туган ягын тасвирлый, шагыйрь әсәрләренә багышланган иллюстрацияләр Тукай иҗатының тирән фәлсәфәсен ачып бирә. Татарстанның халык рәссамы, станоклы графика остасы А.Иншаковның картинасы Г.Тукайның балачагын күзалларга ярдәм итә. Күренекле рәссамнар Н.Васильева һәм Л.Григорьева әсәрләрендә, А.Дерябинның “Курчаклар” сериясе нигезендә дә Г.Тукай шигърияте аһәңнәре ята.


Күргәзмә Г. Тукай әдәби музеенда 18 майга кадәр эшлиячәк.


скачанные файлы

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 8 гыйнвар 2021 - 17:17
    УРЛАНГАН БӘХЕТ Нишләптер бик кәефсез уянды бүген Ләйлә. Борчылырлык урын да юк кебек, тик күңеле тыныч түгел. Гәрчә, иртәнге кояш нурлары иркәләп, назлап уятса да. 
    853
    0
    4
  • 6 гыйнвар 2021 - 14:13
    ПАНКЕЙК ПЕШЕРҮ РЕЦЕПТЫ Панкейк –Америка белене. Аны сөт белән ясыйлар, коры табада кыздыралар. Алар кабарып, йомшак булып пешә. Иртәнге аш өчен менә дигән ризык инде менә. Гадәттә, аны сироп, арахис мае, джем белән ашыйлар.
    781
    0
    2
  • 3 гыйнвар 2021 - 10:05
    «ДУСЛАРЫМ МИННӘН ЧИТЛӘШТЕ...» «Без сыйныфта 3 кенә кыз. Моңа кадәр гел дус булып, бер-беребезгә ярдәм итешеп укыдык. Быел алар икесе миннән читләште. Тәнәфестә дә гел бергә чыгып китәләр. Мин яннарына килеп утырсам, сөйләшми башлыйлар. Берәр нәрсә сорасам, теләмичә генә җавап бирәләр. Минем дә алар белән дус буласым, аралашасым килә. Нишләргә икән?» Аноним, 15 яшь
    677
    0
    0

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019