"БӘЙГЕ НӘТИҖӘЛӘРЕ БИЛГЕЛЕ"

Дуслар, хәтерлисезме, уку елы башында без «УКЫТУЧЫЛАРНЫҢ СӘЛӘТЕН АЧАБЫЗ!» дигән бәйге игълан иткән идек. Нәтиҗәләр ясар вакыт җитте. Әлеге ярышта көчләрен сынап карарга теләүче мәктәпләр саны шактый булды. Сездән килгән хатларны укып, видеоларны карап, куанып утырдык. «Ялкын»лыларның шундый акыллы, белемле һәм сәләтле булулары безне чиксез куандырды. Безгә килгән һәрбер хатта сезнең йөрәк җылысы, укытучыларыгызга карата хөрмәт, мәхәббәт сизелә иде.

Җиңүчене билгеләү бер дә  җиңелләрдән булмады. Редакциябез белән җыелып уйлаштык, Чаткы да үз фикерен әйтте. Төп җиңүче билгеләнде. Тик аннан тыш та җиңүгә лаек булучылар күп иде. Шуңа күрә без «Ялкын»лылар мәхәббәте» дигән номинация ясарга булдык. Монда инде безгә сез  ярдәмгә килдегез. Рәхмәт, дуслар!

Берничә көн дәвамында көчле көрәш барды. Тавыш бирүчеләр арасында ике лидер ачыкланды.

Бүген озак уйлашканнан соң, тагын бер тапкыр күзәтү ясадык һәм шундый нәтиҗәгә килдек:

«УКЫТУЧЫЛАРНЫҢ СӘЛӘТЕН АЧАБЫЗ!» дигән бәйгенең төп җиңүчесе исеменә Норлат районы Фома мәктәбе укучылары һәм укытучылары — Әһлиуллина Гөлүсә лаек булды!

Ә «Ялкын»лылар мәхәббәте» номинациясе җиңүчеләре икәү булып куйды! Алар — Тукай районы, Новое мәктәбе укучылары, укытучылары — Мәүзитова Рәзидә һәм  Апас районы Каратун мәктәбе укучылары, укытучылары — Тимершинә Сәвия!

Котлыйбыз! Афәрин!

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 13 июль 2020 - 15:26
    КИЛЕН КЫЗЫМ Өченче улы алып кайткан киленен Хөршидә беренче күрүдән үк ошатмады. Төскә-биткә матур, тыйнак холыклы күренсә дә, кайнана кеше Әлфинурның килешсез якларын гына күрде. Битенә бәреп әйтмәсә дә, кодагые туйга алып килгән чәкчәктән башлап, яшь киленнең нәсел-ыруына хәтле ахирәтләре, күршеләре белән тикшерде.
    2323
    0
    13
  • 30 июль 2020 - 14:54
    КОЕ Кечерәк вакытында ерак әбисе аңа кое турында бер кызганыч хәл турында сөйләгән иде. Әбисе алардан җиде чакрым ераклыктагы авылда яши. Ерак әби исеме дә шуннан алынган. Имеш, кечкенә ятимә кызны үги әнисе кояш баегач коега суга җибәрә. Кайтмыйча озак тора кыз. Үги әни үз кызын кочаклап йоклап китә. Иртән таң суы алырга коега килгән апайлар су өстендә нәни баланың үле гәүдәсенә тап булалар. Шуннан соң бу коедан беркем дә су алмый. Үткән-киткән аннан әлләнинди ят авазлар килгәнен дә ишеткәләгән.
    1743
    0
    13
  • 15 июль 2020 - 17:52
    ГАДИЛЕКНЕҢ ГАЕБЕ БАРМЫ? Айдар Лилияне танымады. Әмма аның сылулыгымы, серле матурлыгымы ирне үзенә әсир итте. Карашында да аңлатып бетергесез нур, яктылык бар төсле. Шул ук вакытта башкалардан әллә ни аерылмый да кебек. Бары тик якын туганың, кадерле кешең кебек кенә нигәдер. Могҗиза диярсең.
    1368
    0
    8

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019