АТЛАР ҖИКТЕМ КӘГАЗЬДӘН

Лаеш шулпасы ачы була, дип кем әйтте? “Ялкын” хорафатлар өйрәнүне дәвам итә. Бу юлы курсны Лаеш якларына бордык.

Раилә Сабирова белән Йолдыз Миңнуллина Апаска барулары турындагы язмада (февраль санында): “Безнең һәр командировка, гадәттә, шул рестораннан (“Макдоналдс” турында) башлана”, – дигәннәр. Әһә, эләктеләрме?! Бу юлы бүтән җиргә кердек ич. Аның каравы, кибеттән зур капка тутырылган мандарин күтәреп чыктык.

Лаешның Хәерби авылы мәктәбенә килеп тукталсак, тирә-як тып-тын... Тук-тук-тук... Йөрәкне урталай яра язган тавыш каян ишетелде? Әнә, укучылар икенче каттан тәрәзә шакылдата. Безнең очрашу шулайрак башланды... Хәербигә күрше Нармонка белән Столбище укучылары да килгән иде. 15 кешелек өч команданы зирәклектә, спортта, эшкә осталыкта (алтын куллылыкта) ярыштырдык. Шигегез калмасын: бу укучылар утта янмас, суда батмас булып чыкты! Кайчы, скотч, кәгазь битләре өләшеп, шулар ярдәмендә кимендә 1 метр биеклектәге ат ясарга кирәк дигәч, балаларның күзе дүрт булды. Ә шулай да 20 минуттан матур, горур атлар һәм бер колын пәйда булды. Хет бүген үк күргәзмә ачып җибәр. “Хәерби авылында кәгазь атлар күргәзмәсе!” дигән игълан таратсаң (бездә “сарафан радиосы” да шәп эшли!), Америкадан ук очып килеп җитмәгәйләре!

Хәербиләр җиңүче булып чыкты! Аларга традицион “Ялкын” тубы эләкте. Бертигез балл җыеп, 2нче урынга чыккан Столбище белән Нармонка укучыларына теге мандариннарны өләштек.

 

P.S. Безгә Лаеш шулпасының тәмлесе эләкте! Ни өчен аны газап чигү белән чагыштыралардыр?! Белгән дә юк.

 

[gallery link="file" size="medium" ids="838,840,843,839,842,"]

 

 

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 2 ноябрь 2020 - 11:38
    ЙӨРӘК БИТ УЛ! – Моңарчы ашларыңны бүлмәңә ташып, сине кадерләп кенә тордык, инде үзеңә барып ашарга туры килер, – диде табиб, елмаеп. Кулыннан тотып диваннан торгызды да бүлмә буйлап йөртеп карады. Аякларының хәлсезлеге бер нәрсә – йөри-йөри ныгыр, ә менә тын кысылуы, йөрәк хәлсезлеге белән нишләргә?
    749
    0
    6
  • 10 ноябрь 2020 - 15:12
    ЯШЕЛ КАР Әхмәт яшь чагында ук дуамаллыгы белән сукыр авыл мулласының да күзен ачкан егет. Юкны сөйләмә инде, дуамаллык белән генә ачыла торган булсамы, дөнья  йөзен бер күрер өчен тилмереп яшәүчеләр шулкадәр дә күп булмас иде. Никадәр егет асыллары үзләренең сөйгәннәрен күрер өчен нинди генә дуамаллыклар кылмас иде икән.
    690
    0
    3
  • 17 ноябрь 2020 - 17:43
    БӘХЕТЛӘРЕҢ БУЛСЫН, КЫЗ БАЛА Бүген эштә Флүрәнең әллә нигә көне буена үтереп эче пошты. Бар тынычлыгын алып, билгесез бер сәбәптән күкрәк турысын күзгә күренмәгән мәче тырнагы тына белмичә тырный да тырный. Эше бүген ярыйсы гына барганы да хатынны шатландырмады.
    574
    0
    3

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019