АРЧА ЯЗУЧЫЛАРЫ БИЕКТАУ ЯЗУЧЫЛАРЫ БЕЛӘН ОЧРАШТЫ

Иҗат белән җенләнгән шәхесләр, белгәнебезчә, бер урында гына кул кушырып утырырга яратмыйлар.  Алар һәрдаим юлда, эзләнүдә... Безгә, арчалыларга да, хас бу күренеш. Шулай итеп, без бүген Биектауда кунакта.

“Каурый каләм” иҗат берләшмәсе вәкилләре: Халидә Фәйзрахманова, Зиннур Тимергалиев, Гөлсинә Зәкиева һәм Арча шәһәренең үзәк китапханәнең халыкка хезмәт күрсәтү бүлеге мөдире Әлфия Нәкыйповна белән Биектауның үзәк китапханәсенә юл алдык. Монда безне колач җәеп каршы алдылар, керергә өлгермәс борын чәй өстәленә утырттылар. Ә аннары кунакларны түгәрәк өстәл артына җитди сөйләшүгә чакырдылар. Сөйләшү, әлбәттә, җитди обстановкада бармады, ә киресенчә бик җиңгел, дустанә аралашу булды.


арча 1

Китапханәнең хәзерге директоры Лилия Сәлимовна башлап сүз тотты. Кыска гына итеп Биектау районы, аның китапханәләре, иҗат кешеләре хакында сөйләде. Ә шушы китапханәнең элекеге мөдире Диләрә Мансуровна һәм китапханәче Фирая Ибрагимовна үзләренең иҗат җимешләре белән безне ял иттерделәр. Биектауның туган як музее директоры Билал Салахович һәм танылган йолдыз Әбри Хәбриев та катнашты бу эчтәлекле очрашуда.

Арча белән Биектауның һәвәскәр язучылары үзара тәҗрибә уртаклашып, киңәшләр биреп,  мактанышып (монсыз мөмкин түгел) кына утырмадылар, ә хәтта уртак фикергә килеп “Һәвәскәр язучылар фестивале” уздырырга карар кылдылар. Бу хыяллары һич шиксез тормышка ашар дип уйлыйм, чөнки нигез салучылары рухи яктан көчле, ә илһам чишмәләре ташып тора...

арча 2

“Татар тамашачысына нәрсә кирәк икәнен ачыклауы кыен, аларга барысын да чәйнәп каптырырга кирәк”-ди Ә. Хәбриев. Шулай булгач, хәзерге көн иҗат кешеләренә укучының, тыңлаучының, тамашачының күңелен күрү ай-һай җиңел түгел. Ләкин талантың һәм үҗәтлегең булса 200% барысы да булыр дип уйлыйм.

Түгәрәк өстәл артында сөйләшү сәгать ярымга гына каралган булса да без бу вакыт кысаларыннан чыгып бер сәгатькә артыгырак та утырдык әле. Мондый аралашуны ярты юлда бүлеп булмый бит инде, шулаймы!?

арча 3

Хуҗалар кунакларны көндезге аш белән дә сыйларга онытмадылар. Аннары туган як музее белән таныштырдылар. Кызганыч, вакыт бик аз булганлыктан Биектау буенча экскурсиягә чыгарга өлгереп булмады. Әмма бу очрашу соңгысы булмас дип уйлыйм. Иркенләп тагын килербез, Алла боерса.




P.S. Тәнкыйть кәнфит түгел дигәндәй, әйтми калдыра алмыйм. Биектауда мин беренче тапкыр. Әйе, ул зур, матур... Тик бу матурлыкны йорт кырыйларында үсеп утырган чүп үләннәре генә боза сыман. Безнең Арчабыз чисталык ягыннан бер адым алда икән бит!




Илүзә Касыймова, Яңа Кенәр урта мәктәбенең 10 Б класс укучысы.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 июль 2020 - 14:54
    КОЕ Кечерәк вакытында ерак әбисе аңа кое турында бер кызганыч хәл турында сөйләгән иде. Әбисе алардан җиде чакрым ераклыктагы авылда яши. Ерак әби исеме дә шуннан алынган. Имеш, кечкенә ятимә кызны үги әнисе кояш баегач коега суга җибәрә. Кайтмыйча озак тора кыз. Үги әни үз кызын кочаклап йоклап китә. Иртән таң суы алырга коега килгән апайлар су өстендә нәни баланың үле гәүдәсенә тап булалар. Шуннан соң бу коедан беркем дә су алмый. Үткән-киткән аннан әлләнинди ят авазлар килгәнен дә ишеткәләгән.
    1759
    0
    13
  • 15 июль 2020 - 17:52
    ГАДИЛЕКНЕҢ ГАЕБЕ БАРМЫ? Айдар Лилияне танымады. Әмма аның сылулыгымы, серле матурлыгымы ирне үзенә әсир итте. Карашында да аңлатып бетергесез нур, яктылык бар төсле. Шул ук вакытта башкалардан әллә ни аерылмый да кебек. Бары тик якын туганың, кадерле кешең кебек кенә нигәдер. Могҗиза диярсең.
    1378
    0
    8
  • 6 август 2020 - 09:16
    ҖИР АСТЫНДАГЫ ЯЗМЫШЛАР — Әнкәй юк инде... Күптән юк. Мин бит детдом баласы. Әткәйне соң гына эзләп таптым. Эзләмәс тә, тапмас та идем. Әнкәй өчен үч аласым килде. Ул бит әнкәйне тереләй кабергә керткән, аңа көн күрсәтмәгән... Кыйналып, изелеп яшәгән-яшәгән дә, бердәнбер көнне газизен, биш яшьлек малаен калдырып, бакый дөньяга күчеп киткән. Мин эзләп тапканда әткәй бик бетеренгән иде. Үлем чигенә җиткән иде. Ә минем, укуны бетереп, аякка ныклап баскан чагым. Акыл керә башлаган чак... Ә бит мин, детдомда чакта, аны табып дөмектерергә антлар эчкән идем. Бармагымны кисеп агызган җылы канымны кабып сүз бирдем. Хәнҗәр әзерләдем.
    1048
    0
    5

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019