«АЛДА ТАГЫН БЕР ЧЕМПИОНАТ»

2015 нче елның гыйнварында Казан  WorldSkills Competition-2019 профессиональ осталык буенча дөньякүләм чемпионат уздыру өчен гариза биргән иде. 10 нчы августта  Сан-Паулу шәһәрендә  WorldSkills International генераль ассамблеясы барышында Казанны презентацияләү булып узды. Нәтиҗәдә, башкалабыз WorldSkills Competition-2019 профессиональ осталык буенча дөньякүләм чемпионатын уздыру хокукына ия булды. Әлеге бәйгедә Казан белән бергә Шарлеруа (Бельгия) һәм Париж (Франция) шәһәрләре дә катнашкан иде.

Татарстанның кампаниясен РФ Президенты Владимир Путин бик теләп яклап чыкты. Казан данын яклауда РФ Хөкүмәте рәисе урынбасары Ольга Голодец һәм «Росатом» госкорпорациясе гендиректоры Сергей Кириенко да катнаштылар.

Бәйгедә тавыш бирү ике турга бүленгән иде. Беренче тур нәтиҗәләре буенча бәйгедә катнашучы бер генә шәһәр дә тиешле 29 тавышны җыя алмаган. Казан - 28, Париж - 24, Шарлеруа 5 тавышка ия булганнар. Икенче турдан соң исә Казанны 31, Парижны 26 делегат сайлаган.

Казан инде ике тапкыр WorldSkills Russia дип  исемләнгән эшче һөнәрләр буенча Милли чемпионат уздырган иде. Оештыручылар билгеләвенчә, әлеге чемпионат яшьләр арасында зур кызыксыну уяткан. 2015 нче елның 19-23 нче маенда Казанда булган WorldSkills Russia эшче һөнәрләр буенча III Милли чемпионатта 700 студент, Россиянең төрле регионнарыннан килгән 500гә якын белгеч җыелган. Катнашучылар төзелеш, сәнәгать, авыл хуҗалыгы, инофкоммуникация, хезмәт күрсәтү секторы белән бәйле 55 һөнәр буенча үзара ярышканнар.

Казанда узачак WorldSkills Competition-2019 профессиональ осталык буенча дөньякүләм чемпионатта 16 -25 яшьлек егет-кызлар көч сынашырлар  дип көтелә.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 27 март 2020 - 10:08
    ПАР БЕЛӘЗЕК Зөлхиҗҗә иртәгесен туган-тумача, дусларын, тирә-күршеләрен җыеп Коръән мәҗлесе уздырырга әзерләнә иде. Киләсе кунаклар инде чакырылган. Бик озак урын хастасы булып яткан әнисенең бакыйлыкка күчкәненә ике ел узып та киткән. Хәергә өләшәсе йомшак ак сөлгеләре күптән түрдәге тумбочка өстенә таслап куелган. Зөлхиҗҗә әнисе исән чакта да аңа гел ак төстәге күлмәкләр, яулыклар гына ала иде. Биш ел урында ятты карчык.
    4644
    0
    88
  • 18 март 2020 - 15:36
    ТӘҮГЕ МӘХӘББӘТ Ә мәхәббәт дигәнең буйга-сынга карыймы соң? Ул бит буйга гына түгел, яшькә дә карамый. Мәхәббәт үтмәслек киртәләр юк. Ә тәүге сөю бигрәк тә...Ә Зөлфәтнең йөрәгендә әле бу саф тойгының бөреләнеп чәчәк атар чагы гына. Унҗиде яшь... Гомернең иң матур, иң кадерле чагы икәнлеген без бик күп еллар үткәч кенә аңлыйбыз шул. Мәңгегә шулай яшь, матур, дәртле булырбыз кебек.
    3698
    0
    33
  • 24 март 2020 - 16:21
    ҮЗ ЯЛГЫШЫМ, ҮЗ ЯЗМЫШЫМ Рәмилә, уйларыннан арынып, наушнигын салды да кызының бүлмәсенә керде. Индира скайптан Марс белән аралаша иде. Шулай да әнисен күргәч, экранны сүндереп куйды. Рәмиләнең Хәбир турында бик сорыйсы килә иде. Әмма сүзне башка яктан башлады: “Син, кызым, дәү әниең белән алай дорфа сөйләшмә, ярыймы. Ул бит сиңа яхшылык кына тели”. Әнисенең бу сүзләре ачуын китердеме, Индира йөзен чытты: “Әни, син ул җен карчыгына буйсынып, үзеңне ирдән, мине әтидән яздырдың! Сез икегез дә аның корбаны!
    3585
    0
    36

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019