"АКЧА СИҢА НӘРСӘГӘ КИРӘК?!"

Сыйныфыбызда мин иң юаны. Ябыгырга телим, ләкин булмый: үз-үземне җиңә алмыйм: түзмим һәм ашыйм. Аннары елыйсы килә инде. Ничек ябыгырга?

Рамилә. КАЗАН


ц (1)Аңлавымча, син ябыгырга телисең һәм моның бердәнбер юлы – ризыктан баш тарту дип уйлыйсың. Үз-үзеңне җиңүне дә ач тору белән тиңлисең. Ләкин, дустым, син нык ялгышасың. Синең яшьтә, һичшиксез, ашарга кирәк! Тик ризыкны белеп ашарга кирәк. Файдалы, витаминлы әйберләр сайларга тырыш: аш, ботка, җиләк-җимеш һәм яшелчә. Фитнес, бассейн, йога яратасыңмы, яратсаң, җаныңа ошаган спорт төрен сайла. Чөнки дөрес туклану белән генә эш барып чыкмый, үзеңне тонуста тотар өчен спорт белән дә мавыгырга кирәк. Бу сиңа вакытыңны күңелле һәм файдалы үткәрергә дә ярдәм итәр! Уңышлар!



Әни әбием белән сөйләшергә кушмый. Ә әбекәй гел шалтырата. Мин шулай ике ут арасында калам. Нишләргә?


Ризидә. КАЗАН


ц (2)Аңлавымча, бу конфликт әбиең белән әниең арасындагы мөнәсәбәтләрдән үсеп чыккан. Һичшиксез, әниеңнең үз-үзен болай тотышы юкка гына түгел, ләкин синең әлеге гаугага катнашың юк. Шуңа да әниең белән яхшылап сөйләш: аны ничек яратуыңны, аның гел сиңа кадерле булып калачагын аңлат. Шул ук вакытта әбиең белән дә сөйләшәсең килүен, аның да сиңа чит булмавын белдер. Әйбәтләп, аргументлап аңлатсаң, әниең сине аңлар. Һәм, бәлки, син әле алар арасындагы конфликтны йомшарта да алырсың.



Сыйныфта миннән көләләр: башкаларда айфон, айпад бар. Ә мин җыен иске-москы, чүп-чар белән йөрим. Әтиләр алмагач, нишлим соң инде? Тавыш та куптарып карадым. Юк! Әти-әнием артык каты холыклы, әйткәненнән кире кайтмый торган кешеләр шул.


Айнур. САБА


ц (3)Сәлам, дустым. Әйе, кайвакыт әти-әни бераз катгый була, ләкин онытма: алар безне ярата, теге яки бу әйберне алмый икән, димәк, моның үз сәбәпләре бар. Килешәм, әгәр берәрсе үртәсә, көлсә, бик авыр. Ләкин тагын бер тапкыр ныклабрак уйлап кара: сыйныфыңдагы һәр укучы да көлми, берничә артык «акыллысы» гынадыр. Ләкин алар үзләрендәге кайбер сыйфатларны качырырга теләп шулай эшли, бәлки, син яхшырак укыйсыңдыр, бәлки, кайсыдыр башка бер өлкәдә уңышка ирешкәнсеңдер. Ә алар исә шул телефоннар белән генә горурлана ала, шуңа да синең өчен дә, башкалар өчен дә үзләрендә булганны бердәнбер кыйммәт итеп танытасылары килә. Бирешмә һәм моңайма. Телефон һәм айпадлар белән генә матур һәм уңышлы булып бетеп булмый, үзең ирешкән уңышлар белән горурлан!



Сезгә кесә акчасы бирәләрме? Миңа әти бирми. Ә акча кирәк. Ничек итеп алырга?


Тимур. КУКМАРА


ц (4)Әтиләр – искиткеч акыллы кешеләр, акча бирми икән, димәк, кирәк түгеллеген төшенә. Кирәк булганда, иманым камил, бирми калмыйдыр. Гадәттә, әти-әниләр баланы артык бозып бетермәскә теләп бирмиләр артык акчаны. Ә бәлки, сез әтиегез белән шартнамә коргансыздыр. Мәсәлән, билгеләрең яхшы булган очракта гына әтиең акча бирергә ризадыр... Ә син начаррак укыйсың. Уйлап кара, әгәр бик кирәк әйбер булса, аңлатып сора – ручка, дәфтәр, кәгазь алыр өчен дип. Юк икән, артык акча сарыф итмә, булганын җиткереп тота белергә өйрән. Әти-әнигә дә авыр булырга мөмкин, аларда да төпсез акча букчасы юк бит. Әти-әниең ул акчаны күп көч куеп таба, алар хезмәтенең кадерен бел.


Энҗе ИБРАҺИМОВА фотолары.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 13 октябрь 2020 - 10:20
    ЯНГАН ГОМЕР Уналты чакрым ераклыктагы авылдан үзен соратып килгән Ибраһимга Мөслимә, яше җитеп узып китсә дә, ата-анасының басымы аркасында тормышка чыгарга ризалык бирде. Сайланып торыр урында, егерме биш яшеңдә соратып килүче булган өчен рәхмәт әйт әле! Апаларыннан узып тормышка чыгарга базмыйча, ике сеңлең каңгыраеп утырганын онытма! Хатын аертса ни, тормышта булмый торган хәл түгел! Димәк, хатыны иренә ярап тора белмәгән!
    1015
    0
    7
  • 12 октябрь 2020 - 13:35
    РЕЗЕДА ХАБИБУЛЛИНА ШИГЫРЬЛӘРЕ Сагындырды, әнием, кайтам әле, Очрашулар ешрак, күп булсын. Күңелебездә туган рәхмәт хисе Сезгә хөрмәт аша чагылсын.
    546
    0
    4
  • 10 октябрь 2020 - 12:07
    «ДУСТЫМНЫ ӘТИ-ӘНИСЕ КЫЙНЫЙ» «Якын дустымны әти-әнисе кыйный. Алар начар гаилә түгел, эчмиләр, тартмыйлар, уңган, тырыш кешеләр. Ник алай эшләүләрен һич аңламыйм. Берәр эшне алар теләгәнчә башкармаса да, сеңлесе еласа да кыйныйлар икән. Кул күтәреп, кешене тәрбияләп булмый бит... Дустыма ничек ярдәм итим?»
    421
    0
    1

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019