КАЗАНДА «ИСЛАМ ДӨНЬЯСЫНЫҢ МӘДӘНИ БАШКАЛАСЫ» ЕЛЫН БАШЛАП ҖИБӘРДЕЛӘР

Казанда «Казан – Ислам дөньясының мәдәни башкаласы» елын ачу тантанасы һәм XVII Халыкара икътисади форум «Россия – Ислам дөньясы: КазанФорум-2026» узды. Тантаналы кабул итү чарасы «Казан Экспо» Халыкара күргәзмәләр үзәгендә оештырылды. Бу хакта Татарстанның матбугат хезмәте хәбәр итә.

Тантанада Россия Федерациясе Премьер-министры урынбасары Марат Хуснуллин, Россия мәдәният министры Ольга Любимова, ИСЕСКО генераль директоры Салим бин Мохаммед Аль-Малик һәм чит ил делегацияләре вәкилләре катнашты.

Марат Хөснуллин Казанга 2026 елда Ислам дөньясының мәдәни башкаласы статусы бирелүе белән котлап:

«Казаны һәм Татарстанны бу зур хөрмәткә лаек булулары белән чын күңелдән тәбрик итәм», – диде.

Ул шулай ук Россия Президенты Владимир Путин исламның традицион кыйммәтләренә хөрмәт күрсәтүен берничә тапкыр ассызыклаганын искәртте.

ИСЕСКО җитәкчесе Салим бин Мохаммед Аль-Малик Казанның мәдәнияте музейлар һәм театрлардан тыш та актив булуын билгеләп үтте:

«Казаны һәр чакта шигъри шәһәр буларак искә алалар, ул гасырлар буе үткән поэма кебек», – диде.

Ул Казанның төрле мәдәният һәм диннәрнең гармонияле бергә яшәвен мисал итеп күрсәтте. Шулай ук Казан аша Россиягә Коръәннең бастырылган нөсхәләре килгәнен һәм тарихи экземплярларның бүген дә саклануын искәртте. Салим бин Мохаммед Аль-Малик татар мәдәнияте һәм фәненең күренекле вәкилләре – Габдулла Тукай, Каюм Насыри һәм София Губайдуллина, шулай ук Кабан күле легендасын телгә алды.

Татарстан Рәисе Рөстәм Миңнеханов чыгышында Татарстанның дәүләт киңәшчесе, республика беренче Президенты Минтимер Шәймиев белән тантаналы чарада катнашуларын билгеләп үтте һәм федераль дәрәҗәдәге ярдәм өчен рәхмәт әйтте. Тантаналы кич мәдәният чаралары белән дәвам итте, анда Татарстан осталары чыгыш ясады.